Жүжигчин О.Самданпүрэвийг “Найрамдал” зусланд багшаар ажиллаж байхдаа  бэлгийн хүчирхийлэл үйлддэг байсан гэх  мэдээлэл олон нийтийн сүлжээгээр цацагдсан. Энэ талаар түүнээс тодруулахад “Намайг хүчирхийлэгч хэмээн олон нийтэд буруугаар ойлгуулах мэдээлэл ойрын өдрүүдэд олон нийтийн сүлжээгээр цацагдах болсон. Би энэ асуудалтай холбоотой гомдол, саналаа хуулийн байгууллагад гаргана. Мөн намайг сонгуулийн үеэр Ерөнхий сайд Л.Оюун-Эрдэнийг дэмжиж, түүнийхээ хариуд Тамгагүй төр жүжгийн ханхүүгийг дүрд тоглож байгаа гэх мэдээлэл гараад байгаа. Ханхүүгийн дүрд тоглож байсан Шинэбаяр жүжигчин намар тоглогдох шинэ уран бүтээлд ажиллаж байгаа учир оронд нь би тоглож байгаа юм” гэв.