Б.БАТ-ЭРДЭНЭ: Ойн хөнөөлт шавьж устгалд хоёр тэрбум төгрөг зарцуулна

2022-06-29, 366

Засгийн газрын өнөөдрийн хуралдлаанаар нийт 42 асуудлыг хэлэлцэхээр төлөвлөжээ. Хуралдаанаар ойн санг хамгаалах талаар шийдвэрүүдийг гаргажээ. Энэ талаар БОАЖ-ын сайд Б.Бат-Эрдэнэ мэдээлэл хийлээ.

Тэрбээр “Тэрбум мод үндэсний хөдөлгөөний хүрээнд сум дундын ойн ангиудыг тодорхой алслагдсан байршил, хүчин чадлаас нь хамаарч хуваарилалт хийж байна. Засгийн газраас Өмнөговь аймгийн Даланзадгад сумд байрлах ойн дундын ангийг хоёр хуваах шийдвэр гаргалаа. Үүнээс гадна ойн хөнөөлт шавжтай холбоотой асуудал үүссэн. 2022 оны тавдугаар сарын тооцооллоор нийтдээ 737 мянган га талбай дээр хөнөөлт шавж тархсан гэх судалгаа гарсан байна. Хөвсгөл аймагт 327,489 га газар хөнөөлт шавжийн голомт аймагт үүсжээ. 2021 оны тооцооллоор 291 мянган га газар дээр байжээ. Гэтэл энэ жил 737 орчим мянган га газар болж тэлжээ. Засгийн газрын өнөөдрийн хуралдаанаар нөөц хөрөнгөөс хоёр тэрбум орчим төгрөгийг яаралтай батлуулж, ойн хөнөөлт шавжтай тэмцэх ажилд зарцуулахаар боллоо. Монгол Улсад өнөөдөр хоёр зүйлийн эрвээхэй нийтдээ 737 орчим мянган га газар дээр голомт үүсгэснийг тогтоолоо. 2022 оны улсын төсөв дээр БОАЖ яам дээр нийтдээ 650 сая төгрөгийг төсөвлөсөн. Энэ мөнгөөр өнгөрсөн хугацаанд Булган аймаг, Улаанбаатар хот, Хөвсгөл аймгийн тодорхой хэсгүүд, Архангай аймаг гэх мэт тодорхой хэмжээгээр хөнөөлт шавжтай тэмцэх ажлыг хийж дуусгасан” гэлээ.

Б.БАТ-ЭРДЭНЭ: Ойн хөнөөлт шавьж устгалд хоёр тэрбум төгрөг зарцуулна

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.