Улсын Драмын эрдмийн театрын 90 жилийн ойг тохиолдуулан уран бүтээлчдэд төрийн дээд шагнал, одон медаль гардууллаа. Энэ үеэр “Мөнх тэнгэрийн хүчин дор”, “Үхэж үл болно” зэрэг кино, бүтээлд Чингис хааны дүр бүтээснээрээ ард, олны хайр, хүндэтгэлийг хүлээсэн жүжигчин Б.Жаргалсайханд Ардын жүжигчин цол олгосон юм.

Ардын жүжигчин Б.Жаргалсайхан баярын сэтгэгдлээ хуваалцахдаа

          “Юун түрүүнд Монголынхоо нийт үзэгч, ард түмэндээ “Баярлалаа”. Үзэгч та бүхний халуун алга ташилтаар бидний хөдөлмөр, зүтгэл, ажил маань үнэлэгддэг. Тийм ч учраас үзэгч та бүхний биднийг үнэлсэн энэ үнэлгээг төр маань дээдэлж, Ерөнхийлөгч маань энэ цол, тэмдгийг өглөө.

          Багш дор мөргөмүй. ЗХУ-ын Ардын жүжигчин Анатолий Дмитриевич багшдаа мөргөе. Төрүүлж өсгөсөн аав, ээждээ баярлалаа. Дундговь нутгийн зон олон, ард түмэндээ баярлалаа. 10 жил хамт суралцсан нийслэлийн V сургууль, Дундговь аймагт хамт сурч байсан бүхий л ангийнхаа хүүхэд, танил, найз нөхдөдөө бүгдэд нь баярлалаа. Нутгийн зон олондоо дахин дахин баяр хүргэе.

          Монголын театрын урлаг мандан бадрах болтугай. Өнө мөнхөд орших болтугай” гэлээ.