• Өнөөдөр 2025-05-07

Барилга угсралт, их засварын ажил 25.9 тэрбум төгрөгөөр багасжээ

2021-11-22,   440

Барилга угсралт, их засварын ажил энэ оны эхний есөн сарын урьдчилсан гүйцэтгэлээр 3.2 их наяд төгрөг боллоо. Үүнээс 3.1 их наяд төгрөгийн ажлыг дотоодын барилгын байгууллага, 87.1 тэрбум төгрөгийн ажлыг гадаадын барилгын байгууллага гүйцэтгэснийг Үндэсний статистикийн хорооноос мэдээлэв.
 
Барилга угсралт, их засварын ажил энэ оны эхний есөн сарын урьдчилсан гүйцэтгэлээр өмнөх оны мөн үеийнхээс 668.9 тэрбум төгрөгөөр багасахад дотоодын барилгын байгууллагын гүйцэтгэсэн барилга угсралт, их засварын ажил 670.9 тэрбум төгрөгөөр багассан нь нөлөөлжээ.
 
Дотоодын барилгын байгууллагаас хувийн байгууллагын гүйцэтгэсэн барилга угсралт, их засварын ажил 2.9 их наяд төгрөг болж, өмнөх оны мөн үеийнхээс 526.5 тэрбум төгрөгөөр, төрийн байгууллагын гүйцэтгэсэн барилга угсралт, их засварын ажил 253.4 тэрбум төгрөг болж, өмнөх оны мөн үеийнхээс 118.5 тэрбум төгрөгөөр, гадаадтай хамтарсан байгууллагын барилга угсралт, их засварын ажил 33.9 тэрбум төгрөг болж, 25.9 тэрбум төгрөгөөр багассан байна.

Барилга угсралт, их засварын ажил 25.9 тэрбум төгрөгөөр багасжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.