Төв аймаг энэ жил 435.0 тонн ургац хураан авч, "Ургацын баяр-2021" арга хэмжээг өчигдөр зохион байгууллаа. Тус арга хэмжээнд аймаг, сумын удирдлага болон тариаланч, ногоочдын төлөөлөл оролцсон байна.

Энэ онд Төв аймаг  77.6 мянган га талбайд үр тариа тариалжээ. Үүнээс буудай 68.7 мянган га талбайд, төмс 12.2 мянган га талбайд, хүнсний ногоо 1.6 мянган га талбайд, таримал тэжээл 44.4 мянган га талбайд, тосны ургамал 26.0 мянган га талбайд, жимс, жимсгэнэ 25.4 га буюу нийт 162.1 мянган га талбайд тариалалт хийж, өмнөх оноос  үр тариа 10.2 мянган га талбайгаар, төмс 1.3 мянган га талбайд таримал тэжээл 19.0 мянган га талбайд жимс, жимсгэнэ 5.9 мянган га талбайгаар тус тус нэмэгдэж, нийт 435.0 мянган тонн ургац хураан авч төмс, таримал тэжээлийн үйлдвэрлэлээр улсдаа тэргүүлсэн байна.

 Аймгаас тариаланчдаа дэмжин "Ажлын байрыг дэмжих гурван хувийн хүүтэй зээл"-ээс хаврын тариалалтыг дэмжиж зургаан аж ахуй нэгж, 143 иргэнд 3.8 тэрбум төгрөгийн зээл олгосон бол стратегийн гол нэрийн хүнсний бүтээгдэхүүн улаанбуудайг нэмэгдүүлэх, үрийн шинэчлэл хийх зорилгоор аймаг хөгжүүлэх сангаас 150.0 сая төгрөгийн  “Итгэлийн зээл”-ийг 6 сумын 16 аж ахуйн нэгж, иргэнд олгож буудайн элит үр 300 тн-ыг, сонгины тариалалтыг нэмэгдүүлэхээр 6 сумын 22 иргэнд 40 сая төгрөгийн зээл олгожээ.

 Мөн хүнсний ногоо, хамгаалагдсан хөрсний үйлдвэрлэл, зоорь  агуулахын аж ахуйг хөгжүүлэхэд  зориулан төсөл, хөтөлбөр, тусгай сангуудаас нийт 495.0 сая төгрөгийн хөнгөлөлтэй зээл, хүлэмж, нийлэг хальс,  ногооны үрийг  27 сумын  425 аж ахуйн нэгж, иргэнд олгосноор хамгаалагдсан хөрсний үйлдвэрлэл 11600 мквадратаар зоорийн багтаамж 1500 тонн болон нэмэгдсэн байна.