Шатахууны үнэ өссөн тухай мэдээлэл цахим сүлжээнд түгээд байна. Бид үүнтэй холбоотойгоор Газрын тосны бүтээгдэхүүн импорлогчдын мэргэжлийн холбооны тэргүүн Ж.Мөнхнарангаас тодруулсан юм.

          Тэрбээр “Одоогоор ганцхан АИ-92 шатахууны үнэ өнөөдөр 40-45 төгрөгөөр нэмэгдлээ. Яагаад нэмэгдсэн бэ гэхээр, олон улсын зах зээлд газрын тосны үнэ нэмэгдэж байгаа. Гадаад үнэ нь нэгээс хоёрдугаар  сард тонн тутамдаа 10 хувиар өссөн. Цаашдаа шатахууны үнэ нэмэгдэх, эс нэмэгдэх нь дэлхийн зах зээлээс хамаарна. АИ-92 шатахуунд зургаан сарын дунджаар үнийг тогтоож байгаа. Нөөц хувьд аж ахуйн нэгжүүдэд дунджаар 45 хоногийн нөөц бий. Бусад нэр төрлийн шатахууны үнэ нэмэгдэх үгүй нь энэ сарын 15-20 хооронд тодорхой болно” гэлээ.