Улсын Дуурь бүжгийн эрдмийн театрын балетын гоцлооч Б.Саруул Монгол Улсын гавьяат жүжигчин цол хүртэхээр болжээ. Тэрбээр П.И.Чайковскийн “Хунт нуур” балетын цагаан, хар хун, А.Аданы “Жизель”-ийн Жизель, П.И.Чайковскийн “Шелкунчик” балетын Маша гүнж, “Нойрсож буй гүнж” балетын Аврора гүнж, А.Адан “Корсар” балетын Па-де-де,  Л.Минкус “Дон Кихот” балетын Китри, Л.Минкус “Пахита” балетын Гоцлол, А.Хачатурян “Спартак” балетын Фригия, Эгина, Р.Щедрин “Кармен-сюит” балетын Кармен, Л.Делиб “Цэнхэр нүдэн бүсгүй” балетын Сванильда, Ж.Мэнд-Амарын “Үйлийн гурван толгой” балетын Нансалмаа, Э.Чойдогийн “Чойжид дагина” балетын Чойжид дагина зэрэг дэлхийн сонгодог болон үндэсний балетын жүжгүүдэд гол болон туслах дүрүүдийг мэргэжлийн өндөр түвшинд бүтээж, үзэгч түмний хайр хүндэтгэлийг хүлээсэн уран бүтээлч юм. Мөн

2008 онд УДБЭТ-ын “Хөдөлмөрийн аварга” шагнал

2010 онд УДБЭТ-ын “Хөдөлмөрийн аварга” шагнал

2011 онд УДБЭТ-ын “Хөдөлмөрийн аварга” шагнал

2011 онд “Соёлын Тэргүүний Ажилтан” цол, тэмдэг

2015 онд БСШУСЯ-аас оны шилдэг бүжигчин “Мөнгөн мод” цом

2017 онд “Хөдөлмөрийн хүндэт медаль”

2017 онд УДБЭТ-ын “Шилдэг уран бүтээлч” зэрэг шагналуудыг хүртэж байжээ. Түүний манай сайтад өгсөн сонирхолтой ярилцлагыг https://ergelt.mn/news/143/single/4214 линкээр уншаарай.