Найруулагч Д.Бямбасүрэнгийн шинэ бүтээл "Алтан судал"  кино Канадын "Reel 2 Real" олон улсын кино наадмаас шилдэг зураглалын шагнал хүртлээ. 

Уг бүтээл нь Герман Улсад ажиллаж, амьдардаг найруулагч Д.Бямбасүрэнгийн анхны уран сайхны кино бөгөөд тус кинонд Монголын уламжлал хийгээд уул уурхайн асуудал хөнджээ. 

Найруулагч Д.Бямбасүрэн "Ингэний нулимс", "Шар нохойн там", "Чингисийн эр хоёр загал" зэрэг баримтат кино бүтээж байсан бөгөөд "Ингэний нулимс" бүтээл нь Оскарт нэр дэвшиж байсан билээ.