БНХАУ-ын кино найруулагч, зохиолч, продюсер Клое Чжао “Номадланд” бүтээлээрээ “Алтан бөмбөрцөг” наадмын “Шилдэг найруулагч” шагналыг хүртлээ. Тэрбээр 78 жилийн түүхтэй энэхүү шагналыг хүртсэн Азийн анхны найруулагч мөн хоёр дахь эмэгтэй найруулагч болж байна. 1984 онд найруулагч Барбра Стрейзанд уг шагналыг хүртсэн анхны эмэгтэй найруулагч болж байжээ.

Энэхүү үйл явдлыг азичууд баяртайгаар хүлээн авч “Ази охидын урам зориг боллоо” хэмээн онлайн орчинд баяр хүргэсэн байна. Мөн энэ жилийн наадамд олон эмэгтэй найруулагч “Шилдэг найруулагч” шагналд нэр дэвшсэн онцгой жил болжээ.