Гэгээн хайрын баяр тохиож буй энэ өдөр ганц бие залууст хань болох 12  киног санал болгож байна.  

1. Her- Түүнийх (2013)

Америкийн найруулагч Спайк Жонзийн шинжлэх ухааны уран зөгнөлт “Түүнийх” бүтээлд жүжигчин Хоакин Феникс тоглосон билээ. Эхнэрээсээ салсан Теодор  Саманта хиймэл оюун ухаант үйлдлийн системтэй харилцаж эхэлнэ. Түүнээс авах мэдрэмжүүд бодитой, үнэн тул бага багаар сэтгэл алдарна.  “Түүнийх” кино нь тухайн жилийн “Оскар”-ын дөрвөн шагнал хүртсэн  бүтээл билээ.

Эшлэл: Бид өөрсдөдөө өнгөрсөн бол зүгээр л түүх гэж хэлдэг.

2. Lost in Translation - Орчуулгын алдаа (2003)

Найруулагч София Копполагийн хоёр дахь бүрэн хэмжээний бүтээл болох “Орчуулгын алдаа” кинонд Билл Мюррей, Скарлетт Иоханссон нар тоглосон билээ. Боб, Шарлотт хоёр Токиогийн нэгэн зочид буудалд хоёул ганцаардан буйгаа мэдэж, нэгэндээ хань болно.

Эшлэл:

-Би явахыг хүсэхгүй байна.

-Тэгвэл битгий яв. Хамтдаа жазз хамтлаг байгуулцгаая.

3. 500 days of Summer- Саммертай өнгөрүүлсэн 500 өдөр (2009)

Том Хансены ганцаардмал амьдралд Саммер хэмээх бүсгүй гэнэт л орж ирнэ. Тэдний хайрыг харах өнцөг нь өөр учраас зөрчил үүснэ.

Эшлэл: Заримдаа хүмүүс нэгэндээ хайртай байна гэдэг, хамт байна гэсэн үг биш.

4. Chunking Express- Чанкин Экспресс (1994)

Хонгконгийн найруулагч Вон Карвайн уг бүтээлд хайртай хүнээсээ салсан хоёр цагдаагийн түүх өрнөнө. 223 дугаартай цагдаа хайрт бүсгүйгээсээ салсныхаа дараа нэгэн бааранд танихгүй эмэгтэйтэй оройжин ярилцаж сууна. Угтаа тэд нэгэндээ хань болоход цагдаа, гэмт хэрэгтэн байх ч хамаагүй, чухамдаа хүний дотоод сэтгэл чухал болохыг харуулна. 663 дугаартай цагдаа хайртай хүнээсээ салсан ч шинэ хайр дурлалтай учирна. Хэдий хоёул  нүүр тулж уулзахгүй ч цаг хугацааны шугамаар уг дүрүүд хоорондоо холбогдох аж.

Эшлэл: Нууц үг: Би чамайг 10 мянган жил хайрлана.

5. I Lost my body - Алдагдсан биеийн минь хэсэг (2019)

Нэгэн залуугийн биеийн хэсэг нь эзнээ хайж байгаагаар кино эхэлнэ. Эзнээ олох замд Науфелийн амьдрал болон түүний хайрын түүхийг хүүрнэнэ.

6. Half of it- Миний тал (2020)

Эртний Грекийн домогт бурхан хүний биеийг салгасан учир өнөөх тал биеэ хайдаг болсон тухай домог бий. Энэхүү кинонд өөрсдийн тал биеэ хайж, өөрсдийгөө нээж буй гурван залуусын түүхийг хүүрнэнэ.

Эшлэл: Хайр бол замбараагүй, аймшигтай, хувиа хичээсэн, тод томруун зүйл.

7. Love Simon-Хайрт Саймон (2018)

Саймон өөрийгөө олж, өөрийнхөөрөө байх хийгээд хайрынхаа төлөө хэрхэн тэмцэж буй талаар өгүүлнэ.

Эшлэл: Заримдаа би бүхий л зүйлийн гадна байгаа юм шиг санагддаг.

8. Bridget Jones Dairy- Брижет Жонесийн өдрийн тэмдэглэл (2001)

Гуч гарсан ганц бие эмэгтэй Брижет амьдралаа өөрчлөхөөр өдрийн тэмдэглэл хөтлөхөөр шийднэ. Түүний амьдралд хүлээсэн хүн нь гарч ирэх болов уу?

Эшлэл: Би чамайг байгаагаар чинь л хайрладаг.

9. Paris Je'Taime- Парис би чамд хайртай (2006)

Хайр дурлалын хот Парист өрнөх олон төрлийн хайрын түүхийг энэ кинонд өгүүлнэ.

Эшлэл: Хамгийн чухал нь би амьд байгаагаа мэдэрч байна.

10. Lobster-Хавч (2015)

Дистопиа ертөнцийн тухай өгүүлэх "Хавч" киног санал болгож байна. Энэ ертөнцөд бүх хүн хосоо олох ёстой. Хэрэв хайраа олж чадаагүй бол ямар нэгэн амьтан болж хувирна. Девид 45 хоногийн дотор хосоо олох ёстой.

Эшлэл: Би чамд хамгаас хайртай. Гэхдээ болгоомжтой байх хэрэгтэй. Бид аюулд байна.

11. Your Name- Нэр тань (2016)

Нэгнээ оршдогийг мэдрэх ч хэзээ ч учирч байгаагүй хосын түүх. Тэд учрахын тулд бүхий л арга замыг эрнэ.

Эшлэл: Бид сэрээд нэгнээ мартахгүйн тулд нэрсээ бичицгээе.

12. Paris, Texas-Парис, Тэхас (1984)

Германы кино найруулагч Вим Вендерсийн алдарт бүтээл. Бид нэгэндээ хайртай байсан ч заавал хамт амьдрах ёсгүй гэдгийг уран тансаг үзүүлсэн бүтээл билээ.

Эшлэл: Эхэндээ чамайг төсөөлөх надад илүү хялбар байсан. Дараа нь чамайг надтай ярьж байна гэж төсөөлөх болсон.