УИХ-ын хаврын чуулган өнөөдөр нээлтээ хийлээ. Энэ хаврын чуулганаар УИХ-ын гишүүн Ж.Эрдэнэбат гишүүний тангаргаа өргөх боломжтой болжээ.

Тодруулбал, түүнийг авилга албан тушаалын хэрэгт буруутган, 2020 оны УИХ-ын ээлжит сонгуулийн сурталчилгааны үеэр түүнийг цагдан хорьсон. Улмаар анхан болон дунд шатны шүүхийн шийдвэрээр түүнд зургаан жилийн хорих ял ногдуулаад байсан юм. Харин Дээд шатны шүүхийн шийдвэрээр хэргийг прокурорт шилжүүлснээр батлан даалтад гараад буй. 

Ийнхүү сонгогчдын олонхын саналыг авч, СЕХ-ноос түүнийг УИХ-ын гишүүнээс сонгогдсонд тооцох тогтоол гаргасан хэдий ч хорих ял сонсоод байсан тэрбээр ирэх пүрэв гараг буюу гуравдугаар сарын 18-нд парламентад тангараг өргөж, бүрэн эрхээ баталгаажуулахаар болжээ.