УОК: Хот хоорондын хөдөлгөөнийг гуравдугаар сарын 1-нээс нээнэ

Б. Бадралмаа:
Улс төр

2021-02-25, 719

Улсын онцгой комиссын өргөтгөсөн хуралдаан өнөөдөр буюу 2021 оны хоёрдугаар сарын 25-ны өдөр боллоо. Хуралдаанаар “Нэг хаалга-Нэг шинжилгээ”-ний хүрээнд хийсэн ажил болон бусад асуудлыг хэлэлцлээ.

Мөн бүх шатны боловсролын байгууллагын танхимын хичээл, сургалтыг үе шаттай эхлүүлэх бэлтгэл ажлын хүрээнд аймгуудын Засаг дарга нарын мэдээллийг сонслоо.

Шадар сайд, Улсын онцгой комиссын дарга С.Амарсайхан сургууль, цэцэрлэгийн орчинд халдвар хамгааллын дэглэмийг сайжруулж, “Үдийн цай”-ны чанарт онцгой анхаарахыг Засаг дарга нарт үүрэг болгов.

Хот хоорондын зорчих хөдөлгөөнийг гуравдугаар сарын 1-нээс нээх болсонтой холбогдуулан бэлтгэлээ бүрэн хангах, хөдөлгөөнд тавих хяналтаа сайжруулах, халдвар хамгааллын дэглэмийг чанд сахиулах, шаардлагатай бусад арга хэмжээг тухай бүр нь шуурхай авч байхыг даалгав.

УОК: Хот хоорондын хөдөлгөөнийг гуравдугаар сарын 1-нээс нээнэ

Шинэ мэдээ

Нийтлэлчид