Улсын дээд шүүхийн хяналтын шатны Эрүүгийн хэргийн шүүх хуралдаанаар С.Батдөл, С.Баттулга, Р.Дашбилэг, Р.Эрдэнэхүү, Д.Адъяацэрэн, Б.Энхмандах, Ж.Багамонгол нарт холбогдох хэргийг шүүгдэгч С.Батдөл, С.Баттулга нар болон тэдний өмгөөлөгчдийн гаргасан гомдлыг үндэслэн хоёрдугаар сарын 7-ны өдөр хянан хэлэлцэв.

Баянгол дүүргийн Эрүүгийн хэргийн анхан шатны шүүхийн долдугаар сарын 7-ны өдрийн шийтгэх тогтоол, Нийслэлийн Эрүүгийн хэргийн давж заалдах шатны шүүхийн 2023 оны аравдугаар сарын 10-ны өдрийн магадлалтай С.Батдөл нарын долоон хүнд холбогдох дээрх хэргийн хяналтын шатны шүүх хуралдааны шийдвэрийг танилцуулж байна.

Энэ үеэр шүүгч Б.Батцэрэн “Шүүх хуралдаанаар Давж заалдах шатны шүүхийн хуралдааныг гаргасан шүүгдэгч нарын гомдлын үндэслэл, өмгөөлөгч нарын гомдол, хууль зүйн дүгнэлт, нотлох баримтууд шүүхийн шийдвэрийн нотлох баримтуудыг харьцуулан судалж үзлээ. Ингээд анхан шатны шүүх бүрэлдэхүүн дараах дүгнэлтийг хийж байна. Шүүгдэгч С.Батдөлийн хувьд ХНН УБТЗ-ын Тээвэр, зохион байгуулалтын албаны орлогч даргаар ажиллаж байхдаа 11 удаагийн үйлдлээр хахуул өгөгчийн ашиг сонирхлын үүднээс албаны чиг үүргээ хэрэгжүүлэхийн тулд нэр бүхий иргэдээс хоёр тэрбум гаруй төгрөгийн хахууль авсан. Шүүх хэргийг зөв зүйлчилж гэмт хэрэг үйлдэгдсэн нөхцөл байдал, шүүгдэгч нарын гэм буруугийн нөхцөл байдлыг үндэслэн хувийн байдлыг харгалзан С.Батдөлийн мөнгө угаах гэмт хэрэгт оногдуулсан ялыг хөнгөрүүлсэн. Мөн хахуул авсан хэрэгт оногдуулсан найман жилийн ялыг долоон жил болгож хөнгөрүүлсэн. Ингэхдээ Эрүүгийн хуулийг зөв хэрэглэсэн гэх дүгнэлтийг хийж байна.