-“Ангарский” үйлдвэрийн Евро-2 автобензин, манайд импортлож байгаа дизель түлш багтаагүй байж магадгүй байна-

ОХУ дотоодын зах зээлээ тогтворжуулах үүднээс бензин, дизель түлшний экспортоо түр хугацаагаар хориглохоо өчигдөр мэдэгдсэн. Иймд манай улс руу автобензин, түлш экспортлох боломжгүй болж байгаа юм. Энэ талаар УУХҮ-ийн сайд Ж.Ганбаатар мэдээлэл хийлээ.

Тэрбээр  “ОХУ-аас арилжааны бензин, дизель түлш хориглохыг түр хязгаарлах шийдвэр гарсан. Тус улсын Гадаад харилцааны яамнаас манайд ирсэн. Тодруулбал, тодорхой нэр төрлийн дизель түлш гэхээр Евро Азийн гаалийн нэр төрлөөр заасан зарим нэр төрөлд засан дизель түлшийг экспортлох боломжтой байгаа. Энд манайх руу Роснефть компаниас экспорлож байгаа дизель түлш багтах боломжтой гэж харж байгаа. Эцсийн шийдвэрийг бид хоёр хоногийн дараа авна. Тогтоолын төслийг харахад манайд импортлож байгаа дизель түлш багтаагүй байгаа гэж харж байна. Бид үүнийг тодруулна.

Автобензин гэдэгт АИ-92, АИ-95 автобензин хоригт орсон байна. Тогтоол гарах болсон гол шалтгаан нь ОХУ-ын зах хязгаар нутагт автобензины үнэ өссөн. Үүнийг тогторжуулах арга хэмжээний хүрээнд гарч байгаа юм билээ. Ганц манай улсад нийлүүлэхээ больж байгаа биш. ОХУ дотоодоо ихэвчлэн Евро-5 ангилалын автобензин хэрэглэдэг. Манайх Евро-2 автобензин хэрэглэдэг. Ангарский үйлдвэрийн Евро-2 автобензин хамаарахгүй байх магадлал өндөр байна. Үүнийг бид хоёр хоногт багтаан мэдээлнэ. Засгийн газар хоорондын гэрээтэй бол хамаарахгүй байх магадлалтай юм билээ. Манай улс 2023 онд байгуулсан Засгийн газар хоорондын 24 дүгээр заалтад заасан агуулга байгаа. Энэ агуулгын хүрээнд ОХУ-д бид асуудлаа тавина. Бид Росснефть компанийн удирдлагуудтай өчигдөр нэлээд ярилцсан. Манайх тус компаниас шатахууны 95 хувийг хангадаг.

ОХУ-д дотоодын үнэ өсөж байгаа гол шалтгаан нь компаниуддаа татаас өгдөг. Гэтэл татаас нь гурван сарын өмнөөс өгөхөө больж, шатахуун үйлдвэрлэгч компаниуд гадагшаа экспортлох сонирхол нэмэгдсэн. Улмаар хууль бус худалдаа явах эрсдэл үүссэн. Тиймээс дотоодын хэрэглээгээ хангаж, үнийг тогтворжуулах талаар арга хэмжээ авч байгаа юм билээ.

Энэ сарын 23-нд Оросын Думын дарга Вячеслав Викторович Володин айляилна. Энэ үеэр шатахууны энэ асуудлыг сайтар ярилцах талаар Төрийн тэргүүнүүдэд албан ёсоор мэдэгдэж байна. Бид өнгөрсөн хугацаанд Евро-5 стандартын автобензиныг БНХАУ-аас нийлүүлэх боломжтойг харсан. Харин экспортлоход ачилт, тээвэрлэлтэд хүндрэл үүсэж байгаа. Мөн өндөр өртөгтэй тээвэрлэх болчихоод байна.

Энэ жил манайх өмнө нь байгаагүй их дизель түлш экспортлосон.Түүхэнд байхгүй дээд хэмжээнд хадгалж чадсан. Мөн автобензиний үнэ нэмэгдэхүй, хангалттай нөөц байгаа гэдгийг мэдэгдэж байна. ” гэлээ.