ХХБ-ны эзэн, “Сахал” хочит Д.Эрдэнэбилэгт хувьчлагдаад байсан Хөтөлийн “Цемент шохой” ТӨХК-ийг 2022 оны хавар төрд буцааж авч байв. Ингэхдээ “Цемент шохой” ТӨХК-ийг “Сахал” хочит Д.Эрдэнэбилэгээс салгаж авах Ардын намын захиалгат акцыг “Шилэн” хочит Б.Цогтгэрэл гардан зохион байгуулсан байдаг. “Шагнал”-д нь “Цемент шохой” ТӨХК-ийн анхны гүйцэтгэх захирлаар “Шилэн” хочит Б.Цогтгэрэлийн хамаатан\хаяал\ “Оймс” хочит Л.Наранбаатарыг томилсон. Хариуд нь Л.Наранбаатар “Цемент шохой” ТӨХК-ийг “Шилэн” хочит Б.Цогтгэрэлийн хуурай дүү нараар дүүргэж, пауэрлифтингийн тамирчныг Цементийн үйлдвэрийн даргаар тавитлаа цадигаа алдаж байв.
.PNG)
Ингээд нэг жил, есөн сарын дараа буюу 2023 оны арванхоёрдугаар сард Л.Наранбаатар УИХ-д нэр дэвших бэлтгэлээ хангахаар “Цемент шохой” ТӨХК-ийн гүйцэтгэх захирлын ажлаа өгсөн. Харин түүний оронд “Цемент шохой” ТӨХК-ийн гүйцэтгэх захирлаар ТЕГ-ын дарга асан Б.Хурцын худ, “MCS”-ийн Дэд ерөнхийлөгчөөр ажиллаж байсан УИХ-ын гишүүн асан Л.Элдэв-Очирыг томилсон. Гэхдээ ганцхан сар болоод чөлөөлөгдсөн.
Улмаар 2024 оны хоёрдугаар сард Л.Элдэв-Очирын оронд дахиад л “Шилэн” хочит Б.Цогтгэрэлийн хамаатан\үеэл\ Д.Баттүвшин гэх залууг томилсон. Товчхондоо, Хөтөлийн “Цемент шохой” ТӨХК-ийн хувьчлалыг цуцалж, “Сахал” хочит Д.Эрдэнэбилэгээс салгаж авснаас хойш гурван жил гаруй хугацаанд “Шилэн” хочит Б.Цогтгэрэлийн хаяал, үеэл хоёр залгамжлан удирдаж ирсэн, завсарт нь Л.Элдэв-Очир ганц сар хавчуулагдсаныг эс тооцвол.
Тэгвэл зургаа хоногийн өмнө “Цемент шохой” ТӨХК-ийн ТУЗ-ийн шийдвэрээр гүйцэтгэх захирал Д.Баттүвшинг чөлөөлж, түүний оронд Л.Ганбаатар гэгчийг томилжээ. Учрыг нь ухвал, “Цемент шохой” ТӨХК-ийн ТУЗ-ийн даргаар Б.Энхтайван гэгч томилогдож очсон, улмаар ТУЗ-ийн дарга Б.Энхтайван, гүйцэтгэх захирал Б.Баттүвшин хоёр хоорондоо таарахгүй сар гаруй толхилцож, эрх мэдлээрээ Б.Энхтайван нь илүүрхэснээр Б.Баттүвшин нь чөлөөлөгдөж, түүний оронд Л.Ганбаатар гэгчийг томилжээ.
Тайлбар: "Цемент шохой" ТӨХК-ийн ТУЗ-ийн дарга Б.Энхтайван, хуучин гүйцэтгэх захирал Б.Баттүвшин, шинэ гүйцэтгэх захирал Л.Ганбаатар
Гол асуудалдаа оръё. Өөрөөр бол, Хөтөлийн “Цемент шохой” ТӨХК-ийн удирдлага одоо “Шилэн” хочит Б.Цогтгэрэлээс хэний гарт шилжсэнийг танилцуулъя.
“Цемент шохой” ТӨХК-ийн ТУЗ-ийн даргаар Баясгалангийн Энхтайван гэгч нь томилогдож очсон. Б.Энхтайван гэгч нь өнгөрөгч 2024 оны есдүгээр сараас хойш Шадар сайд Т.Доржхандын Эрчим хүч, газрын тосны салбар хариуцсан зөвлөхөөр ажиллаж байгаа. Тэгээд болоогүй, өнгөрөгч гуравдугаар сард АН, МАН, ХҮН намынхан өөрсдийн хүмүүсийг ТӨХК-иудад менежерээр томилох үед Б.Энхтайван гэгч нь ХҮН намаас “Эрдэнэс Монгол” ХХК-д Хариуцлагатай уул уурхай хариуцсан менежерээр томилогдож очсон, одоо хүртэл ажиллаж буй ажээ. Гайхмаар нь, Б.Энхтайван гэгч нь Т.Доржхандын зөвлөх болохоосоо өмнө Хонконгийн компанид ажиллаж байсан гэхээс өөр намтар хайгаад олсонгүй. Тэгэхээр Шадар сайд Т.Доржханд хаа байсан Хонконгийн компани ажиллаж асан, хэний ч танихгүй Б.Энхтайван гэгчийг зөвлөхөөрөө дэргэдээ авч, улмаар “Эрдэнэс Монгол” ХХК-д Менежер, “Цемент шохой” ТӨХК-д ТУЗ-ийн даргаар тавьсан нь ардаа асар том ашиг сонирхол агуулж байхыг үгүйсгэх аргагүй. Эргэн санавал, Шадар сайд Т.Доржханд хамаарал бүхий этгээд Г.Дугаржав гэгчийг “Дарханы төмөрлөгийн үйлдвэр” ТӨХК-ийн гүйцэтгэх захирлаар томилуулж, түүгээр дамжуулан ХҮН намынхаа сонгуулийн санхүүжилтийг босгосон гэх ноцтой дуулианд холбогдсон. Улмаар 2024 оны УИХ-ын сонгуулийн өмнөхөн Г.Дугаржав нь АТГ-ынханд баривчлагдсан байдаг. Товчхондоо, Шадар сайд Т.Доржханд хэний ч танихгүй хамаарал бүхий этгээдүүдээ ТӨХК-д томилж, тэднээрээ дамжуулж төсөв мөнгөнд нь гар дүр “туршлагатай”-г сануулах нь зүйтэй.
.PNG)
Тайлбар: "Эрдэнэс Монгол" ХХК-ийн оффис, Хариуцлагатай уул уурхай хариуцсан менежер Б.Энхтайван, 2025.08.06
Тайлбар: "Цемент шохой" ТӨХК-ийн оффис, ТУЗ-ийн дарга Б.Энхтайван, 2025.10.30
Харин Хөтөлийн “Цемент шохой” ТӨХК-ийн ТУЗ-ийн дарга Б.Энхтайваны шийдвэрээр “Цемент шохой” ТӨХК-ийн гүйцэтгэх захирлаар Лүүлүүгийн Ганбаатар гэгч томилогдоод байгаа. Гэтэл Л.Ганбаатар гэгч нь 2020 оноос хойш Сэлэнгэ аймгийн ИТХ-ын төлөөлөгч бөгөөд УИХ-ын гишүүн Ч.Ундрамын Сэлэнгэ аймаг дахь Бие төлөөлөгчөөр ажилласан нэгэн ажээ. Тэгэхээр Сэлэнгэ аймгийн МАН-ын дарга, Соёлын сайд Ч.Ундрам Сэлэнгэ аймгийнхаа урдаа барих ганц үйлдвэр болох “Цемент шохой” ТӨХК-ийн гүйцэтгэх захирлаар бие төлөөлөгчөө томилуулсан байж болзошгүй байна. Түүнээс биш, механик мэргэжилтэй, тракторчин хийж байгаад төлөөлөгч болсон төдий намтартай Л.Ганбаатарт 800 орчим ажилчинтай “Цемент шохой” ТӨХК-ийн гүйцэтгэх захирлын албан тушаал томдохоор ажээ.
.PNG)
.PNG)
.PNG)
Нэгтгэвэл, “Цемент шохой” ТӨХК-ийн ТУЗ-ийн даргаар Шадар сайд Т.Доржхандын зөвлөх Б.Энхтайван, гүйцэтгэх захираал Соёлын сайд Ч.Ундрамын бие төлөөлөгч Л.Ганбаатар томилогдож, 800 орчим ажилчинтай “Цемент шохой” ТӨХК-ийн удирдлага “Шилэн” хочит Б.Цогтгэрэлээс Т.Доржханд, Ч.Ундрам хоёрт шилжсэн дүр зураг харагдаж байна.
| “ЦЕМЕНТ ШОХОЙ” ТӨХК-ИЙН ТУЗ-ИЙН ДАРГААР Т.ДОРЖХАНДЫН ЗӨВЛӨХ, ГҮЙЦЭТГЭХ ЗАХИРЛААР Ч.УНДРАМЫН БИЕ ТӨЛӨӨЛӨГЧ ТОМИЛОГДЖЭЭ |
|
(1).jpg)
.PNG)
.PNG)
Б.Мөнгөнзул дэлхийн 4 удаагийн аварга Ju Wenjun хожив
Дэлхийн хамгийн урт хурдны авто замын туннель ашиглалтад орлоо
Тувагийн Чингис Салбырын, Д.Оганнисяныг хүнд цохилтоор яллаа
Чөлөөтийн мастерууд Буриадын тэмцээнээс медаль хүртлээ
О.Энхсайхан хүнд цохилтоор өрсөлдөгчөө яллаа
