УИХ-ын чуулганы нэгдэн хуралдаан үргэлжилж байна. Хуралдааны үеэр УИХ-ын гишүүн Х.Доржханд " Бид өнгөрсөн намар ээлжит бусаар хуралдаж,  Засгийн газрын гишүүдийг "давхар дээл"-тэй болгосон. Гэхдээ агуулга нь өөр байсан.  2022 оны наймдугаар сарын 29-нд С.Одонтуяа гишүүнтэй хамтран санаачилж, ажлын хэсэгт орж баталсан УИХ-ын 53 болон 54 дүгээр тогтоол байна.

    Энэ тогтоолд Засгийн газар чиглэл тухай Үндсэн хуулийн цэцийн 01/02 тогтоолтой холбогдуулан УИХ-ын гишүүний тоог шинэчлэх тодорхойлох, Үндсэн хуульд нэмэлт, өөрчлөлт оруулах тухай журмын тухай хуулийг боловсруулж 2022 оны арванхоёрдугаар сарын 31-ний дотор Засгийн газарт даалгасан. Ирэх долоо хоногт Засгийн газар энэ тогтоолын дагуу ҮХНӨ-ийн төслийг өргөн барих ёстойг сануулъя" гэв.