Төрийн ордонд өнөөдөр буюу арванхоёрдугаар сарын 21-ны өдөр нүүрсний экспорт, тээвэрлэлттэй холбоотой асуудлаар нээлттэй сонсгол зохион байгуулж байна.Нээлттэй сонсголын үеэр иргэд асуулт асууж, УИХ-ын гишүүд болон холбогдох байгууллагын алба хаагчид хариулт өгч байна. Энэ үеэр нүүрсний олборлолт, тээвэрлэлт, экспортоос төвлөрүүлсэн төсвийн орлого, үнийн зөрүүний талаар Сангийн яамны сайд Б.Жавхлан мэдээлэл өглөө.  

       Тэрбээр “Засгийн  газрын өөрийн  бүтцийн аудит хяналт шалгалтын байгууллагын тайлангаас авсан  нүүрсний компиудын санхүү, татварын тайланг танилцуулж байна. Монгол Улс 1995 оноос жижиг том экспорт хийж эхэлсэн. Түүнээс хойш 336 сая тонн нүүрс экспортолсон. Үүний 80 хувь нь 2011 оноос экспортлогдсон байна.  Энэ хугацаанд 45.2 их наяд төгрөгийн борлуулалтын орлого олсон.  Үүнээс арван их наяд төгрөгийн татвар төлсөн байна. Нэр дурдагдсан найман компани энэ экспортыг хийдэг” гэлээ.