Төрийн ордонд өнөөдөр буюу арванхоёрдугаар сарын 21-ны өдөр нүүрсний экспорт, тээвэрлэлттэй холбоотой асуудлаар нээлттэй сонсгол зохион байгуулж байна. Нээлттэй сонсголын үеэр иргэд асуулт асууж, УИХ-ын гишүүд болон холбогдох байгууллагын алба хаагчид хариулт өгч байна. Энэ үеэр жагсагч н.Гэрэлт-Од үзэл бодлоо илэрхийллээ.

    Тэрбээр “УИХ-ын гишүүдийн хүнд суртал яг энэ тайзнаас эхэлж байна. Та нар ард түмний өөрсдийн гаргасан төлөвлөгөөг гаргаад тавьчихсан. Энэ талбай дээр юу болж байгаа гэж бодож байна. Залуучуудыг цагдаа нар хүчээр эмнэлэг рүү баривчлаад авч явлаа. Өчигдөр барьж өгсөн дөрвөн гэрээ ачсан. Гадаа залуучууд бухимдал ихтэй байхад сул байгаа сандал дээрээ хүн оруулж, суулгахгүй байна. Та нар өөрсдийн дэг журмаараа ярих гэж байна. Ийм зүйл огт байж болохгүй. УИХ-ын гишүүн С.Чинзориг та уулзалт зохион байгуулах дэгээ бага ч зөрчөөд явъя гэсэн. Та нар ард түмнээсээ сонгогдсон. Гэтэл яагаад ард түмнээ сонсохгүй байгаа юм.  Та нар өөрсдөдөө хэрэгтэй хуулийг таван минутад л баталдаг. Бид нарыг өглөөний 10 :00 цагаас хойш энэ дотор “хашлаа”. Та нар “Оройны 17:30 цагаас ажил тарна, товчхон яръя” гэлээ. Тийм зүйл байхгүй” гэв.