Нүүрсний экспорт, тээвэрлэлтэй холбоотой асуудлаар холбогдох эрх бүхий байгууллагуудын тайлан, мэдээлэлтэй танилцах нийтийн сонсгол маргааны улмаас 13:00 цаг хүртэл түр завсарлалаа.

       Энэ талаар  УИХ-ын гишүүн Т.Доржханд “Эмх замбараагүй байдал үүслээ. Нөгөө талаасаа иргэдийн тавьж буй шаардлага зөв. Гишүүд дарга нар ширээ тойроод суучихсан байх нь  их муухай зүйл юм. Анхнаасаа бид төрийн ордны Их танхимд сонсгол хийх санал тавьсан.  Гэтэл уг танхимд хэвлэл мэдээллийн байгууллага шууд дамжуулалт хийх боломжгүй. Хуулийн байгууллагын байгууллагууд танилцуулга хийх техник хангалтгүй байсан. Тиймээс иргэдийг байгаа өрөөнүүддээ хувиарлаад сонсголын үеэр сэлгээд явахаар болсон. Одоо бол Их танхимд сонсголоо хийх нь зүйтэй байх. Бүртгүүлсэн бүх хүмүүсийг оролцуулна” гэх тайлбарыг өглөө.