Нүүрсний экспорт, тээвэрлэлтийн асуудлаар нээлттэй сонсгол 10:00 цагт эхэлсэн. Энэ үеэр УИХ-ын гишүүн  С.Чинзориг сонсголыг нээж, дэг танилцуулах гэсэн боловч тус сонсголын зарим оролцогч, иргэдийн зүгээс "Бидний үг хэлэх цагийг  албан тушаалтнуудаас хойно тавьсан байна. Бид эхлээд үгээ хэлмээр байна. Сонсголыг Их танхимд зохион байгуулахыг шаардаж байна" гэх шалтгааны улмаас дэг сонсохгүй маргаан үүсгэлээ. Иймээс нээлттэй сонсголыг 10 минутаар түр завсарлалаа.