Хууль зүй, дотоод хэргийн сайд Х.Нямбаатар цаг үеийн асуудлаар мэдээлэл өглөө.

     Тэрбээр “Одоо жагсагчдын шаардлагыг ойлгохоо болиод байгаа. Би тэдэнтэй хамгийн олон удаа уулзсан хүн. Тэдний хамгийн эхний шаардлага нүүрсний хулгайн хэрэгтэй холбогдсон хүмүүсийн нэрсийг зарла гэсэн. Одоогийн байдлаар АТГ 50 гаруй хүнийг шалгаж байгаа. Өдөр болгон мөрдөн шалгах ажиллагаа явуулж байна. Мөрдөн шалгах явцад мэдүүлэг өгсөн хүмүүсийн мэдүүлэг, нотлох баримтуудад үндэслэн тодорхой хүмүүсийг шалгаж байгаа. Монгол Улс 1994 оноос хойш анх удаагаа авлига албан тушаалын хэргийн ялын бодлогод огцом өөрчлөлт хийлээ" гэлээ.