АТГ-аас нүүрсний хулгайн хэрэгт холбогдсон албан тушаалтнуудыг зарлах хэвлэлийн хурал хийж байна.

Энэ талаар АТГ-ын дэд дарга Г.Азжаргал “АТГ хоёр үндсэн үүрэгтэй. Нэг нь гэмт хэрэгтэй тэмцэх, нөгөө нь урьдчилан сэргийлэх үүрэг хүлээдэг. Бид 16 жил үйл ажиллагаа хийж байна. 2017 оноос шүүхээр шийдвэрлэсэн хэргийн тоо өсөж, 2017 онд 63, 2008 онд 96, 2020 121, 2022 онд давхардсан тоогоор 162 хэргийг шалгасан байдаг. Гэмт хэрэгтэй тэмцэх ажил үргэлжилдгээрээ үргэлжилнэ. Монгол улсын хувьд Төрийн өмчит компаниудад хулгай их байна. Хохирол ихтэй байна. Төрийн өмчийн компанийг олон нийтэд нээлттэй болох хэрэгтэй. Мөн улс төрийн намын санхүүжилтийг нээлттэй болгох ёстой. Тиймээс АТГ зөвлөмж, санамж өгч ажиллаж байна. Жишээлбэл, АТГ-аас Их Британи Улсын Лондон хотод байрлах 4.3 тэрбум төгрөгийн үнэлгээтэй байрыг авч ирсэн. Энэ байрыг худалдаахгүй, ажлын хэсэг ажиллаж, хуулийн дагуу түрээслэх шийдвэр гаргаж, түрээсийн төлбөрт 20 орчим сая төгрөг ирж, асрамжийн хүүхдүүдийн сургалтын үйл ажиллагаанд зориулахаар болсон. Мөн олон улсын тэмцээнд явсан хүүхдүүдийн зардалд зарцуулсан” гэв.

АТГ-ын Мөрдөн шалгах хэлтсийн орлогч дарга, ахлах комиссар М.Даваатогтох мэдээлэл  өглөө. Тэрбээр “АТГ, ТЕГ, ЦЕГ хамтран нүүрсний олборлолт, борлуулалт, тээвэрлэлт, Төрийн өмчийн хөрөнгөөр бараа худалдан авахтай холбоотой хэрэгт мөрдөн шалгах ажиллагаа явуулсан. 22 хэрэгт мөрдөн шалгах ажиллагаа явуулж байна. Долоо хэрэг мөрдөн байцаалтад байгаа. Мөрдөн шалгах ажиллагааны явцад 47 объектод шалгалт хийж, 15 хүнийг баривчилж, 10 хүнийг цагдан хорьсон байна. Цагдан хорьсон иргэдээс мэдүүлэг авч байна. Мөрдөн шалгах ажиллагааг шуурхай явуулж байна. Нийт 35 хүнийг яллагдагчаар татсан. Эрдэнэс тавантолгой ХК 20 сая төгрөгөөс дээш үнийг дүнтэй 76 худалдан авалт хийсэн байна. Мөн нүүрс борлуулалтын 636 гэрээ хийжээ. Нүүрс тээвэрлэлтийн 300 гаруй аж ахуйн нэгж байна. Мөрдөн шалгах ажиллагааны хүрээнд нүүрсний хулгайн хэрэгт дараах албан тушаалтанууд шууд болон шууд бусаар холбогдож байна. Үүнд

1.Ерөнхийлөгч асан Х.Баттулга,

2.Ерөнхийлөгчийн Тамгын газрын даргаар ажиллаж байсан Ө.Шижир,

3.Зам тээврийн хөгжлийн сайд асан Д.Ганбат,

4.УИХ-ын гишүүн А.Адъяасүрэн,

5.УИХ-ын гишүүн Д.Бат-Эрдэнэ,

6. УИХ-ын гишүүн Ц.Анандбазар,

7. УИХ-ын гишүүн Н.Наранбаатар,

УИХ-ын гишүүн Б.Баттөмөр

8.УИХ-ын гишүүн Ц.Сэргэлэн,

9. УИХ-ын гишүүн Ш.Раднаасэд,

10. Өмнөговь аймгийн Засаг дарга Р.Сэддорж,

11.Өмнөговь аймгийн ИТХ-ын төлөөлөгч,Б.Эрдэнэ-Очир

12. Өмнөговь аймгийн дарга асан Б.Бадраа

13. Ерөнхийлөгчийн Тамгын газрын дарга асан З.Энхболд

14. ЭТТ ХК-ийн дарга асан А.Ариунболд,

16.ЭТТ ХК-ийн дарга асан Б.Ганхуяг,

17. Өмнөговь аймгийн МАН-ын дарга Х.Мандахбаяр гэсэн мэдээллийг та бүхэнд танилцуулж байгаа. Гэм буруутайг тогтоох нь шүүхийн шийдвэрээр баталгаажна” гэв