• Өнөөдөр 2023-02-01

Д.АМАРБАЯСГАЛАН: Төрийн нууцад хамаарах есөн гэрээг ил болгон шалгуулж байна. Цаашид Засгийн газар нэг ч нууц гэрээ байгуулахгүй

2022-12-09,   106

        Нүүрсний хулгайн хэргийг шалгах Ажлын хэсгээс мэдээлэл өглөө.
 
      Энэ үеэр Засгийн газрын Хэрэг эрхлэх газрын дарга Д.Амарбаясгалан “Засгийн газрын ээлжит хуралдаанаар Төрийн нууцад хамаарах мэдээллийг ил болгох тухай Засгийн газрын тогтоолын төслийг баталсан. Энэхүү тогтоолын төслөөр Монголын Үндэсний аюулгүй байдлын зөвлөмжөөр нууцад хамаарсан байсан есөн гэрээг нууцаас гаргах шийдвэрийг Засгийн газраас гаргалаа. Нууцаас гаргасан гэрээг УИХ-д  байгуулагдсан нүүрсний гэмт хэргийг илрүүлэх Түр хороонд шилжүүлэхээр болсон. Хоёрдугаарт, энэхүү гэрээтэй холбоотой авлига, ашиг сонирхлын зөрчлийн нөхцөл үүссэн эсэхийг хянан шалгуулах зорилгоор Авлигатай тэмцэх газарт шилжүүлэх үүрэг даалгавар өглөө.  “Эрдэнэс Тавантолгой” ХК-аас хэрэгжүүлж байгаа есөн төсөлтэй холбоотой гэрээг нууцаас гаргасан.
Тодруулбал,  есөн гэрээ нь:
 
-Ил уурхайн олборлолтыг үе шаттайгаар нэмэгдүүлэх, шилдэг технологи нэвтрүүлэх төсөл
 
-Ил уурхайн аргаар ашиглах боломжгүй нөөцийг далд уурхайн аргаар ашиглаж, экспортыг нэмэгдүүлэх төсөл
 
-Загийн усны хоолойн газрын доорх усны ордоос Тавантолгойн нүүрсний уурхайн хүртэлх ус хангамжийн нүүрсний хоолойн төслийн ажил
 
-Богд хаан төмөр замын суурь, бүтэц барих төсөл
 
-Тавантолгой, Гашуунсухайт чиглэлийн төмөр замын төслийн ажил гэсэн тус  нууц байсан долоон гэрээг ил болгох. Мөн Тавантолгой төмөр зам чиглэлийн төсөлтэй холбоотой Монголын төмөр зам төрийн өмчит хувьцаат компани, Зэвсэгт хүчний жанжин штаб болон Улаанбаатар төмөр зам нарын хамтарсан Зүүнбаян чиглэлийн төмөр замыг барьж, байгуулахтай холбоотой гэрээ мөн нууцад байсан. Эдгээр нь Зам тээврийн, хөгжлийн яамд харьяалагдаж байсан гэрээнүүд байгаа. Засгийн газрын зүгээс цаашид энэ мэт гэрээг нууцад авдаг байдлыг таслан зогсоох, цаашид Монгол Улсын Засгийн газар нэг ч нууц гэрээг байгуулахгүй  гэж шийдвэрлэсэн” гэв. 

Д.АМАРБАЯСГАЛАН: Төрийн нууцад хамаарах есөн гэрээг ил болгон шалгуулж байна. Цаашид Засгийн газар нэг ч нууц гэрээ байгуулахгүй
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 3
  • Сэтгэгдэл үлдээсэн: 2022-12-12 17:32:18
    oros : yalna2
  • Сэтгэгдэл үлдээсэн: 2022-12-12 17:27:26
    mongol: arai2
  • Сэтгэгдэл үлдээсэн: 2022-12-12 17:26:50
    hitad: sunu2
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188