• Өнөөдөр 2026-08-09

БОНДИ АРЛЫН БААТАР АХМЕД-АЛ-АХМЕД: Бидний төлөө залбираарай

2025-12-16,   6006

   Австралийн Бонди арал дээр гарсан галт зэвсэгт халдлагын үеэр халдагчийг зогсоосон баатар ал-Ахмедийн биеийн байдал хүнд байгаа хэдий ч тэрбээр хийсэн үйлдэлдээ огт харамсахгүй байгааг түүний өмгөөлөгч Сэм Исса даваа гарагт хэвлэлд мэдэгджээ. 
 
    Өмгөөлөгч түүний талаар “Тэрбээр хийсэн үйлдэлдээ огт харамсахгүй байгаа бөгөөд дахиад хийхэд ч бэлэн гэдгээ хэлсэн. Гэвч биеийн байдал нь сайнгүй байна. Олон суманд өртсөн тул одоо түүнд маш хүнд байгаа" гэнэ.
Ахмед одоогоор Когара дахь Гэгээн Жоржийн эмнэлэгт анхны хагалгаанаас гарч ирсэн байгаа бөгөөд нэг гараа алдах эрсдэлтэй байгааг өмгөөлөгч нь мөн хэлэв. 
 
    Тэрбээр “Түүний биеийн байдал санаснаас муу байна. Гартаа буудуулсан гэхээр хүнд гэмтэл биш санагддаг боловч тэрээр маш их цус алдсан”  2022 онд Ахмед Австралийн иргэншилтэй болсон бөгөөд үүнд ихэд талархаж байна" гэлээ. Мөн "Ахмед бол даруу төлөв хүн, тэр хэвлэл мэдээллийн анхааралд орох сонирхолгүй, тэр хүний хувьд хийх ёстой зүйлээ л хийсэн. Тэр Австралид амьдрах боломж олдсонд талархдаг. Энэ бол түүний Австралид амьдрах, иргэншил авах боломж өгсөнд талархлаа илэрхийлсэн хэлбэр юм" гэв.
 
     Ахмед эмнэлэгт байх үедээ хэвлэл мэдээлэлд хандан “Би юу гэж хэлэх вэ. Би цор ганц бурхны л мэдэх хэцүү цаг үеийг тууллаа. Бурхан ивээг. Бидний төлөө залбираарай” хэмээн сул хоолойгоор хэлсэн байна.
     Даваа гарагт хэвлэлийнхэн түүний аав, ээжээс мөн ярилцлага авсан бөгөөд тэд хүүгээрээ ихэд бахархаж байв. 
Түүний аав, Мухамед Фатех ал-Ахмед "Миний хүү бол баатар, тэр цагдаад алба хааж байсан бөгөөд хүмүүсийг хамгаалах хүсэл эрмэлзэлтэй. Тэр цусанд будагдаж, газарт унасан хүмүүсийг хараад, ёс суртахуун, ухамсар нь террористийн зэвсгийг нь булаахад хүргэсэн. Харин террорист зугтсан ч түүний хамтрагч нь гүүрэн дээр зогсож байсан бөгөөд яг хаана байсныг нь мэдэхгүй ч, гартаа буу барьсан бололтой, хүүг буудаж мөрөнд нь шархлуулсан" гэв. Харин ээж  Малакех Хасан ал-Ахмед "Надад түүнийг осолд орсон, одоо эмнэлэгт хэвтэж байгаа гэж хэлсэн. Ээж хүн хүүхэд нь осолд орсон тухай сонсоод ямар мэдрэмж мэдрэхийг та мэднэ дээ. Дараа нь дэлгэрэнгүй мэдээллийг сонсоод, миний хүү хүмүүст тусалж, амь насыг аврахад оролцсон гэхэд би хүүгээрээ маш их бахархсан. Аллах түүнд хор учруулахгүй. Баярлалаа, түүний зөвхөн гар болон мөрөнд сум туссан. Аллах түүнд хор учруулахгүй, учир нь тэр үргэлж сайн үйл хийж байсан" гэсэн байна.
 
   Ахмедыг Шинэ Өмнөд Уэльс мужийн сайд Крис Миннс эргэж очсон бөгөөд өөрийнхөө болон ноён Ахмедын зургийг Фэйсбүүк хаяг дээрээ хуваалцаж, “Түүний гайхалтай эр зориг, эрсдэл ихтэй нөхцөл байдалд террористын зэвсгийг булаасан нь, олон хүний амь насыг аварсан нь маргаангүй. Түүнтэй цагийг өнгөрүүлж, Шинэ Өмнөд Уэльс даяарх иргэдийн талархлыг дамжуулах боломж олдсонд баяртай байна” гэж бичжээ. Үүний зэрэгцээ АНУ-ын нэг тэрбумтан ноён Ахмедад 99,999 Австрали доллар (65,000 ам.доллар; 235 сая төгрөг) хандивлаж, түүнийг “зоригт баатар” гэж нэрлэсэн байна. Ингээд Ахмедад зориулан нээсэн хандивын дансанд даваа гарагийн орой гэхэд 1 сая доллароос илүү хөрөнгө цугларсан байна.
 
 
Эх сурвалж: Global News, арванхоёрдугаар сарын 14.
 
BBC News, арванхоёрдугаар сарын 14-15.
 
The Sydney Morning Herald, арванхоёрдугаар сарын 14.
 
 
 
 
Орчуулсан: Э.Эмүлэн

БОНДИ АРЛЫН БААТАР АХМЕД-АЛ-АХМЕД: Бидний төлөө залбираарай
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.