Багш дутагдалтай алслагдсан сургуулиудад цахим хичээл зохион байгуулах “Edureach” төслийг эхлүүллээ. Тус төслийн хүрээнд  Дархан-Уул аймгийн Орхон, Хонгор, Шарын гол сумдын багш дутагдалтай, алслагдсан сургуулиудад цахим хичээлийг зохион байгуулж боловсролыг тасралтгүй, чанартай олгох, хүртээмжийг нэмэгдүүлэх юм.

   Энэ хүрээнд Дархан- Уул аймгийн Боловсролын газар, ерөнхий боловсролын 30 дугаар сургууль, “ECM” групп хамтран ажиллах гэрээ байгууллаа. Дархан-Уул аймгийн гурван сумын ерөнхий боловсролын таван сургуульд 3000 гаруй сурагч суралцдаг.

   Нийтдээ долоон багшийн дутагдалтай. Төслийн хүрээнд эхний ээлжид физик, газарзүй, нийгмийн ухааны хичээлийг 30-р сургуулийн туршлагатай багш нар цахимаар заах юм. Төслийг 2025-2026 оны хичээлийн жилд туршилтаар хэрэгжүүлэн үр дүнгээс хамаарч цаашид аймаг орон нутгийн хэмжээнд хэрэгжүүлнэ.