Энэ оны хамгийн хүчтэй далайн хар салхи болох “Рагаса” БНХАУ-ын өмнөд хэсгийн Гуандун мужийн нутгийг дайран өнгөрөхтэй холбоотойгоор хоёр сая гаруй хүнийг нүүлгэн шилжүүлжээ. Хар салхи өмнө нь Филиппинийг дайран нэг хүний амь насыг авч, хохирол учруулсан байна.

Мягмар гарагт “Рагаса” Тайванийг дайрснаар дор хаяж 14 хүн амиа алдаж, 120 гаруй хүн сураггүй болсон юм. Хар салхины улмаас хүчтэй аадар бороо орж, Тайванийн зүүн хэсэгт орших Хуалиэн мужийн нуур үерлэж, ойр орчмын тосгонууд усанд автажээ. Судлаачдын мэдээлснээр ойролцоогоор 15 сая тонн ус хальсан нь олимпын стандарт бүхий 6000 усан санг дүүргэсэнтэй тэнцэх хэмжээний их ус аж. Үүнийг геологичид “уулнаас буусан цүнами” хэмээн тодорхойлж байна.

Тайванийн Засгийн газар гамшгийн шуурхай штаб байгуулж, Батлан хамгаалах яам цэргүүдийг дайчлан аврах ажиллагаа явуулж байна.

Эх сурвалж: https://www.reuters.com/