Дархан-Уул аймгийн Дархан сумын 4-р багт, Монгол-Алтны уулзвараас, Төмөр зам хүртэлх авто замыг Дархан хотыг үүсгэн байгуулагч, Монгол Улсын баатар, Маршал Ю.Цэдэнбал агсны нэрэмжит гудамж болгон тохижилтын ажил дуусаж албан ёсоор нээгдлээ. Уг зам нь 1.2 км урт, ногоон байгууламж, амрах хэсэг, олон улсын стандартын шаардлага хангасан явган болон дугуйн замтай. Үүнээс явган замын 100 гаруй метр хэсэг нь Монголдоо анх удаа доороосоо халдаг технологиор хийгджээ.

    Ингэснээр өвлийн улиралд хөлдөхгүй, халтиргаа гулгаа үүсэхгүй байх юм. Уг замын бүтээн байгуулалтыг дэмжин ажилласан Монгол Улсын Сангийн сайд Б.Жавхлан, Аж үйлдвэр, Эрдэс баялгийн сайд Г.Дамдинням болон гүйцэтгэгчээр "Цахим бар Инженеринг” ХХК-ийн хамт олон ажилласан байна. Энэхүү зам тохижилтын ажил нь иргэдийн ая тухтай амьдрах орчин, хотын хөгжил, бүтээн байгуулалтын шинэ жишиг болжээ.