АНУ-ын алдарт дуучин Taylor swift болон америк хөлбөмбөгийн тамирчин Travis kelce нар сүй тавьсан талаараа мягмар гарагт олон нийтэд зарлалаа.

Taylor swift өөрийн Инстаграм хуудсандаа:

“Таны англи хэлний багш, биеийн тамирын багш хоёр гэрлэх гэж байна” хэмээн бичиж, гэрлэх саналыг хүлээн авч буйгаа баталсан гэрэл зургуудыг нийтэлжээ. Түүний хуримын бөгжийг Artifex Fine Jewellery компанийн загвар зохион бүтээгч Киндред Любек урлажээ. Дуучин Avril Ramona Lavigne, супермодель Cara Delevingne зэрэг олон алдартнууд Инстаграм хуудсаараа дамжуулан баяр хүргэсэн бол АНУ-ын Ерөнхийлөгч Donald Trump “Амжилт хүсье. Тэр үнэхээр гайхалтай тоглогч, гайхалтай залуу. Харин Taylor swift бол үнэхээр гайхалтай хүн гэж бодож байна” хэмээжээ.