Израилийн цэргийн ажиллагааг эсэргүүцэж, Палестины энгийн иргэдийн амь насыг хамгаалахыг шаардан дэлхийн олон хотод жагсаал, тайван арга хэмжээ зохион байгуулагдлаа.

Нидерландын Утрехт хотод болсон арга хэмжээний үеэр Палестинд амиа алдсан хүүхдүүдийн дурсгалд зориулан 18 мянган хос хүүхдийн гутлыг талбайд дэлгэн байршуулжээ. Уг бэлгэдлийн ажиллагаа нь мөргөлдөөнд өртөн амь насаа алдсан хүүхдүүдийн тоог илэрхийлэхийн зэрэгцээ олон улсын хамтын нийгэмлэгийг хүчирхийллийг зогсоох алхам хийхийг сануулжээ. Жагсаалд оролцогчид Палестины энгийн иргэдийн эрхийг хамгаалж, Израилийн довтолгоог зогсоохыг уриалжээ. Тэдний үзэж буйгаар олон улсын байгууллагууд энхийн төлөө бодитой шийдвэр гаргаж, мөргөлдөөнийг цуцлахад яаралтай оролцох шаардлагатай гэж үзжээ.
Хүний эрхийн байгууллагын мэдээлснээр сүүлийн саруудад Палестинд өрнөсөн мөргөлдөөний улмаас мянга мянган хүн амь үрэгдэж, тэдгээрийн дийлэнх нь хүүхэд, эмэгтэйчүүд байгаа аж.

                               

Эх сурвалж: Viory