Монгол Улсаас БНСУ-ын Сөүл хотод суугаа МИАТ төрийн өмчит компанийн ерөнхий төлөөлөгч Б.Энхбат Монгол Улсаас БНСУ-ын Пусан хотод суугаа Консулын газарт ажиллалаа. Уулзалтад “МИАТ” ТӨК-ийн олон улс дах буюу Сөүл хот орчимын сурталчилгаа, маркетинг хариуцсан “Tinto Lab” компанийн захирал Choi Joonyun болон Dongryun Logistics компанийн захирал Hyung Sub, Kim нар оролцсон байна.

     Уулзалтаар дараах асуудлыг шийдвэрлэхээр санал солилцож, тохиролцжээ. Үүнд Консулын газраас санаачлан Монголын Аялал жуулчлалын холбоо, Пусаны Аялал жуулчлалын холбоотой хамтран хэрэгжүүлэхээр төлөвлөж буй “Өвлийн аялал жуулчлал”-ыг эхлүүлэх хөтөлбөрийн хүрээнд “МИАТ” ТӨК-ийн оролцоог нэмэгдүүлж, уг хөтөлбөрөөр дамжуулан Солонгосын өмнөд бүс нутагт үйл ажиллагааг өргөжүүлэхээр боллоо.

     БНСУ-ын өмнөд бүс нутагт үндэсний агаарын тээвэрлэгч “МИАТ” ТӨК-ийн үйл ажиллагааг сурталчилах, улмаар өмнөд бүсэд амьдардаг иргэдийн эрэлт хэрэгцээнд үндэслэн Пусанаас Улаанбаатар чиглэсэн агаарын ачааг эхлүүлэх асуудалд Монгол Улсын иргэдэд үр өгөөжтэй байх нөхцөлийг талуудтай харилцан тохиролцож эхлүүлэхээр санал солилцож, хамтран ажиллахаар тохиролцжээ.

     Уг уулзалтаар яригдсан асуудлууд амжилттай хэрэгжсэнээр Монгол Улсын аялал жуулчлалын салбарт дорвитой ахиц гарна гэж талууд үзэж байгаа бөгөөд урьдчилсан бэлтгэл ажлыг хангах, өвлийн аялал жуулчлалын хөтөлбөр боловсруулах, ААН-үүдээ бэлдэх зэрэг олон асуудлыг шат дараатай хийхээр ажлын төлөвлөгөөг гаргаж ажиллахаар тохиролцов.

    Уулзалтын төгсгөлд ерөнхий төлөөлөгч Б.Энхбат “Кимхэ” олон улсын нисэх буудалд ажиллахад “МИАТ” авиа компаниар үйлчлүүлж буй Монгол иргэд уг олон улсын нисэх буудлын хилээр нэвтрэхэд хил дээр саатах хүндрэл бага гарч байгааг айлын талаас дурдсаныг онцолж, Консулын газрын хамтын ажиллагааны үр дүн нь “МИАТ” авиа компанийн үйл ажиллагаанд эерэг нөлөө үзүүлж байгааг онцолсон байна.