Европын эмнэл зүйн агентлаг Европын холбоонд коронавирусийн эсрэг "Модерна" вакциныг бүртгэн авч, гишүүн орнуудад хэрэглэхийг зөвлөлөө. Ингэснээр "Модерна" вакцин Европын холбоонд хүлээн зөвшөөрөгдөхөд тун ойрхон ирээд буй бөгөөд Европын холбооны комиссоор шийдэгдэх аж.

Европын эмнэл зүйн агентлагийн эмийн хороо вакцины чанар, аюулгүй байдал, үр нөлөөг сайнаар үнэлж, стандартад нийцэж байна гэж үзжээ. Европын холбооны гишүүн улс бүрийг вакцинжуулах кампанит ажлын хүрээнд "Модерна" вакциныг нэвтрүүлж, аюулгүй байдалд анхаарал хандуулах хэрэгтэй хэмээн үзэж буй аж.

"Энэ вакцин бидэнд өнөөдрийн нөхцөл байдлыг даван туулах өөр нэгэн хэрэгсэл болж байна. Цар тахал гарснаас жилийн дараа хоёр дахь вакцин бидэнд эерэг үр дагавар авчирч буй нь мэргэжилтнүүдийн хүч чармайлтын ач" гэж Европын эмнэл зүйн агентлагийн захирал Эмер Күүк сайшаан ярьжээ.