Автомат удирдлагатай машин бүтээгч "Тесла" компани болон Ангараг дээр амьдрал бий болгохоор зориод буй "СпайсИкс" компанийн үүсгэн байгуулагч Элон Маскийн нийт хөрөнгө 185 тэрбум ам.долларт хүрч, дэлхийн хамгийн баян хүн боллоо. Энэ жил "Тесла" болон "СпайсИкс"  компанийн хувьцаа маш ихээр өсөж, "Тесла" компанийн л үнэлгээ гэхэд зах зээлд анх удаа 700 тэрбум ам.долларт хүрчээ.  Энэ үнэлгээ нь авто машин үйлдвэрлэгч "Тоёота", "Форд", "Фольксваген", "Хьюнда" зэрэг компанийн хөрөнгийг нийлүүлснээс хавь өндөр дүн аж.

 Харин өөрийгөө дэлхийн хамгийн баян хүн гэдгийг мэдсэн Элон Маск "Ямар хачин юм бэ. Буцаад ажилдаа орлоо" хэмээн твиттертээ жиргэжээ. Тэрбээр ингэж гайхшрах нь ч ойлгомжтой. Учир нь түүний нэр хэзээ ч "Дэлхийн хамгийн баян 10 хүн"-ий тоонд багтаж байгаагүй юм.

2017 оноос хойш дэлхийн хамгийн баян хүн хэмээн нэрлэгдсэн "Амазон" компанийн үүсгэн байгуулагч Жефф Безосын нийт хөрөнгө 113 тэрбум ам.доллар бол Элон Маскийнх үүнээс 72 тэрбумаар их гэсэн үг.

 Элон Маск "Миний хөрөнгөний тал нь дэлхийн асуудалд туслах, тал нь Ангараг дээр бие даасан хот байгуулахад тусална" хэмээн хэлж байсан удаатай.