Жилийн хамгийн хүйтэн, харанхуй эдгээр өдрийг өвлийн цас гэрэлтүүлж, аз жаргал бэлэглэдэг билээ. Дэлхийн зарим оронд өвлийн улирал ид шидийн мэт гайхалтай өнгө үзэмжийг авчирдаг. Өвлийн гайхамшгийг мэдэрч болох 15 газрыг нэрлэж байна.

1. ХБНГУ, Мюнхен

Мюнхен хотод өвлийн улирал нэн тааламжтай үргэлжилж, Германы олон зуун жилийн уламжлалтай тоглолт, соёлыг үзэх боломжтой. 

2. Япон, Ширакава тосгон 

Япон Улсын Гифа мужийн Ширакава тосгон нь архитектурын шийдлээрээ ЮНЕСКО-д бүртгүүлж байжээ. Минка барилгын энэхүү загвар нь өвлийн цагт их цас ороход нурахаас хамгаалж өвсөөр дээврээ хийдэг байна. Ширакава тосгонд жилд дунджаар есөн метр цас ордог аж. 

3. ОХУ, Санкт-Петербург

ОХУ-ын Санкт-Петербург хот улсынхаа соёлын өв, уламжлал шингэсэн газар билээ. Мариинский театр, Санкт-Петербургийн филармони зэрэг Оросын үнэт өвийг энэ хотоос мэдэрч болно. 

4. БНХАУ, Харбин 

БНХАУ-ын хамгийн хүйтэн өвөл Харбин хотод болдог. Жил бүр Харбинд дэлхийн хамгийн том цасны баяр, мөсөн хотхон, цасан баримлын наадам болдог. 

5. Австри, Китзбухел хотхон

Китзбухел нь дундад зуунаас хойш цанын баазаараа алдартай нутаг билээ. Хотхоныг тойрон цанаар гулгахад тохиромжтой уулархаг газар ихтэй, үзэсгэлэнт байгалиараа алдартай. 

6. АНУ, Йосемитын үндэсний цэцэрлэгт хүрээлэн 

Өвөл ирснийг мэдрэхийн тулд Йосемитын үндэсний цэцэрлэгт хүрээлэнг зорих хүмүүс олонтаа. Энэхүү цэцэрлэгт хүрээлэнд цанаар гулгахад нэн тохиромжтой. 

7. Испани, Сеговийн Алказар 

Энэхүү нутагт нэгэн цагт хааны ордон, цайз, шорон байсан гэдэг. Уолт Диснейн "Үнсгэлжин" хүүхэлдэйн киноны ордонг энэхүү барилгаас сэдэвлэсэн гэж ярьдаг ч одоогоор олон нийтэд нээлттэй музейн зориулалтаар ажиллаж буй. Энэ нутаг өвөл айлчилж, цас будрахад үлгэрийн орон болж хувирдаг. 

8. Чех, Сески Крумлов

XIII зуунаас эхлэлтэй, улсдаа хамгийн томд тооцогдох Сески Крумловын цайз, хуучны хот нь ЮНЕСКО-гийн дэлхийн өвд бүртгэгдсэн байдаг. Өвлийн улиралд Шумава үндэсний цэцэрлэгт хүрээлэнд зочилж, барокко театр, үндэсний шар айрагны үйлдвэр зэргийг үзэх боломжтой. 

9. Итали, Милан хот 

Пинакотека де Брера арт галерей, Ла Скала дуурийн театр зэрэг өвлийн улиралд үзэх зүйл маш олоэ. Миланд цас хаялахад өвлийн гайхалтай дүр төрх бүрддэг. 

10. Австри, Зальцбург

Зальцбург хот нь баракко маягийн барилгуудаараа алдартай. Альпийн нурууны цасан давхарга унахад илүү үзэсгэлэнтэй болдог. Зальцбург нь алдар хөгжмийн зохиолч Моцартын төрсөн нутаг бөгөөд өвлийн спорт сонирхогчдын мөрөөдлийн газар нь юм.  

11. Словени, Блед хотхон

Блед хотхон нь нуурын дундах арал дээр оршдог үзэсгэлэнт нутаг бөгөөд цас нь улам үзэсгэлэнтэй болгодог.  Словений хамгийн эртний Блед цайз оршдог бөгөөд барилгууд нь дундад зуунаас эхтэй. 

12. ХБНГУ, Ахен хот

Ахен хот эрт цагт халуун рашаанаараа алдартай байжээ. Харин өдгөө дундад зууны барилга баярын уур амьсгалыг бүрдүүлж, Германы зул сарын амттан лебкученээрээ алдартай. 

13. Шинэ Зеланд, Куинстаун

Куинстаун хотын соёл. уламжлал ихтэй. Уулан дээрээс яг л кино зураг мэт харагддаг онцлогтой. Жил бүрийн зургадугаар сарын сүүлчээр өвлийн наадам зохион байгуулдаг аж. 

14. Нидерланд, Амстердам 

Өвлийн улиралд Амстердамд цас ороход өөр нэгэн үзэсгэлэнт төрх нь тодордог. Нидерландын нийслэлд олон төрлийн баяр наадам өрнөж, цасны баяр, улирлын зориулалттай тоглолт, мөсөн гулгуур зэрэг олон арга хэмжээ зохион байгууллагддаг. 

15. Канад Улс, Квебек

Квебек хотод хагас зууны турш тасралтгүй өвлийн багт наадам зохион байгуулагджээ. Жил бүр уг наадмыг нэг сая гаруй хүн зорьж үздэг бөгөөд урлагийн инстоляц, тоглолт зэрэг олон арга хэмжээ  болдог.