БННУ-ын Ерөнхий сайд Бриги Рафини "Өнгөрсөн бямба гарагт Нижерийн баруун хэсэгт орших хоёр тосгон халдлагад өртөн 100 гаруй хүн амь эрсэдлээ. Сүүлийн үед Исламын хүчирхийлэгчдээс болоод улс даяар сандарлаа" хэмээн мэдээлэв.  Тэрбээр ням гарагт бүх нийтийн хэвлэлээр ийн мэдээлсэн бөгөөд хэнд хариуцлага ногдуулснаа хэлээгүй юм.

Харин эх сурвалжууд "Бямба гарагт Цомбангуа, Зароумдарайе зэрэг тосгонд лалын босогчид түрэмгийлэн 70 гаруй энгийн иргэн амь үрэгдсэн" хэмээн мэдээлсэн.

            Нижер Улс нь Мали, Буркина Фасо зэрэг хил залгаа улсын "Али-Кайда", "Исламын Улс" бүлэглэлийн дайралтад удаа дараа нэрвэгдэж байсан. Бямба гарагт болсон халдлага нь арван жил засгийн эрх барьсан Ерөнхийлөгч Махамаду Иссоуфуг огцрох сонгуулийн эхний шатны дүнг зарласан өдөр болжээ. Сонгуулийн эхний шатны дүнгээр тэргүүн байр эзэлсэн Мохамед Базум ням гарагт хохирогчдын ар гэрт эмгэнэл илэрхийлсэн байна. Сонгуулийн хоёрдугаар шатны "халз тулаан"-ыг ирэх хоёрдугаар сарын 21-нд хийхээр төлөвлөөд буй аж.

            Харин хөрш Нигери Улсын Ерөнхийлөгч Мухамедду Бухари "Африкийн эрх баригчдын эсрэг энэ  терроризмыг зогсоохын тулд нэгдсэн хөдөлгөөн хийх хэрэгтэй. Бид алан хядагчдыг ялгаварлан гадуурхах, хүчирхийллийн эсрэг кампанит ажлын хариуд аюулгүй байдлын ноцтой сорилттой учирч байна. Зөвхөн нэгдсэн хөдөлгөөн л энэхүү хүн төрөлхтний эсрэг харгис дайснуудыг ялахад тусална" хэмээн үзлээ. Нижерийн эрх баригчид энэ жигшүүрт хэргийг үйлдсэн хүмүүсийг шийтгэж, иргэдийн аюулгүй байдалд улам анхаарах хэрэгтэйг дуу нэгтэйгээр хүлээн зөвшөөрч буй юм.