Өнгөрсөн долоо хоногт Норвег Улсын Аск тосгонд байшин нурсны улмаас арван хүн хүнд бэртэж, алга болсон хүмүүсийг олох, аврах ажиллагааг эхлүүлээд байв. Тодруулбал, өнгөрсөн лхагва гарагт Аск тосгон руу уулын шавар урсан орж, олон айлыг нөмөрчээ. Бямба гарагт нуранган дундаас дөрөв, ням гарагт нэмж гурван хүний цогцос олдсон байна.  Аврагчид амьд үлдэгсдийг аврахаар оролдож буй ч тэднийг аврах магадлал улам бүр буурч байгааг хэллээ. Нас барсан хүмүүсийн дунд 40 настай эрэгтэй, хоёр охинтойгоо олдсон харамсалтай тохиолдол ч гарчээ.

Лхагва гарагийн 04:00 цагт цагдаагийн албанд Аск тосгоны байшингууд "нүүж байна" хэмээн дуудлагаа иржээ. 

Аск тосгоны оршин суугч 68 настай Оейштейн Гжердум "Эхэндээ хоёр удаа газар хөдөлсөн. Би цас цэвэрлэж байна уу л гэж бодсон. Гэвч удалгүй манай хөршууд ирээд "Хурдан нүүх хэрэгтэй" гэж хэлэхэд хоёр зээгээ хувцаслаад гарсан" хэмээн мэдээлжээ. Тус тосгоны 30 гаруй байшин нурж, 1000 гаруй иргэнийг нүүлгэн шилжүүлээд байгаа аж. Норвег Улсын эзэн хаан, хатан Аск тосгонд зочлон, нөхцөл байдалтай танилцаж, нас барсан хүмүүст эмгэнэл илэрхийлжээ.