Байгаль орчны төлөө тэмцэгч, идэвхтэн Грета Тунберг АНУ-ын Ерөнхийлөгч Дональд Трампад өөрийнх нь хэлсэн үгээр хариу барьж ёжлов. Д.Трамп сонгуулийн санал тооллогыг зогсоо гэж  твиттер хуудастаа бичсэнд Грета “Хоржоонтой юм. Дональд Трамп эхлээд уураа барьж сурчихаад дараа нь хуучны сайн кинонд найзтайгаа явах хэрэгтэй.  Тайвшир, Дональд, тайвшир!” гэж хариулжээ. 

Өнгөрсөн оны арванхоёрдугаар сард Грета Тунберг “Time” сэтгүүлийн “Оны хүн”-ээр тодрохдоо хэлсэн үгийн хариуд Д.Трамп түүнд уураа барьж сурахыг “зөвлөсөн” юм.