Эргэлт.мн мэдээллийн сайт амралтын өдрийг тохиолдуулан уншигч та бүхэнд дэлхий дахинд амжилт, алдар нэрд хүрсэн эрхмүүд амралтын өдрөө хэрхэн өнгөрүүлдэг тухай зөвлөгөөг хүргэж байна.

РОБЕРТ ИГЭР: Өглөө эрт бос

“Дисней”-н ерөнхийлөгч эрхэм өглөө бүр 04:30-д сэрдэг. Амжилтад хүрсэн хүмүүс бүтэн сайн өдөр хоёр цаг хүртэл орондоо шигддэггүй. Бүр 11:00 цаг хүртэл шүү. Судалгаагаар бидний уураг тархи сэрсэний дараа 2-4 цагийн хооронд хамгийн сайн ажилладаг гэдгийг тогтоожээ.

БЕНЖАМИН ФРАНКЛИН: Төлөвлөгөөтэй бай

Үндсэндээ тэр өглөө бүр өөрөөсөө “Би өнөөдөр ямар сайн зүйл хийх вэ” гэж асуудаг байжээ. Амжилтанд хүрсэн хүмүүс өдөр бүрийн зорилгын чухлыг мэднэ. Амралтын өдөр тэдний хувьд онцгой лав биш.

ТИМОРИ ФЕРРИС: Олон зүйлийг нэг дор бүү хий

Олон зүйлийг нэг дор хийх нь аль 2005 оны хэв маяг. Утсаар ярингаа фэйсбүүкээ шалгах нь хоёр ажил амжуулж байгаа мэт боловч амжилтанд хүрсэн хүмүүс энэ нь зүгээр л үр бүтээмжийг бууруулдаг гэдгийг мэддэг. Фэррис өдрийг үр бүтээлтэйгээр өнгөрүүлэхийн тулд өдөрт хамгийн дээд тал нь хоёр зорилго, зорилт тавьж байхыг санал болгож байна.

 АННА ВИНТОР: Дасгал хөдөлгөөн хий

"Vogue" сэтгүүлийн зөвлөлийн тэргүүн энэ эмэгтэй өдөр бүрийнхээ нэг цагийг теннис тоглоход зарцуулдаг. Дасгал хийхэд цаг гаргадаг ганцхан чинээлэг хүн Анна биш юм. Ричард Брансон сурфингаар хичээллэдэг бол Энэтхэгийн хамгийн баян эр марафоноор хичээллэдэг. Амжилтанд хүрсан хүмүүс ажиллагаатай тархинд ажиллагаатай бие хэрэгтэйг сайн мэддэг. Амралтын өдөр хүртэл хичээллэнэ.

СТИВ ЖОБС: Юу чухал болохыг жагсаа

Дэлхийг өөрчлөхийн тулд юмс чухал байх шаардлагагүй. Амралтын өдрүүд бол мартсан зүйлүүдийг танд сануулах цаг хугацаа. Найзууд,гэр бүл, хамтрагчтайгаа ч гэсэн хамтдаа цагийг өнгөрүүлэх нь таныг баян болгохгүй ч чухам биш зүйл лав биш юм.

БИЛЛ ГЕЙТС: Эргэцүүлэх цаг гарга

“Микрософт" компанийг үндэслэгч тэрбээр “Амжилтаа тэмдэглэх нь сайхан ч алдаанаасаа суралцах нь илүү чухал” хэмээх үгийг хэлсэн байдаг. Эргэцүүлэх нь өдөр бүр хийх хэрэгтэй зүйл ч амралтын өдрөөр өнгөрсөн долоо хоногт юу хийснээ эргэцүүлж түүнийгээ сайжруулахын тулд юу хийх талаар бодох нь хамгийн төгс боломж юм.