Дөрвөн жилийн өмнөх энэ өдөр утга зохиолын Нобелийн шагналыг АНУ-ын дуучин, зохиолч, найруулагч Боб Дилан хүртэж байжээ. Түүнийг “Америк дууны уламжлалаар яруу найргийн шинэ илэрхийлэмж бүтээсэн” гэж үзэн уг шагналыг олгосон юм. Тэрбээр бүх цаг үеийн хамгийн шилдэг дуу зохиогчдын нэг хэмээн өргөмжлөгддөг бөгөөд 2000 онд “Wonder Boys” киноны дуу болох “Things Have Changed” дуугаараа Оскарын шагналыг хүртсэн аж. Дөрвөн жилийн өмнөх Нобелийн шагнал гардуулах ёслолын үеэр Шведийн академийн хүндэт гишүүн Сара Даниус утга зохиолын салбарын шагналтныг зарлахдаа “Бидний хувьд тийм ч хэцүү шийдвэр байсангүй. Бид түүнийг дуучин, хөгжимчний хувиар бус яруу найрагч гэдгээр нь үнэлж энэхүү шагналаа гардуулж байна” хэмээжээ. 1961 онд урлагийн салбарт хөл тавин өнөөг хүртэл уран бүтээлээ тасралтгүй хийж яваа амьд домгуудын нэг билээ. Мөн түүнээс гадна Нобель болон “Оскар”-ын шагналыг хүртсэн ганцхан эрхэм байдаг нь зохиолч Жорж Бернард Шоу юм.