Элчин сайд, “ЮНЕСКО”-гийн дэргэд суугаа Байнгын төлөөлөгч У.Нямхүү 2026 оны дөрөвдүгээр сарын 21-ний өдөр Францын Марсель хотноо зохион байгуулагдсан “Нүүдлийн мал аж ахуйн отор нүүдэл  “Transhumance” хүн төрөлхтний биет бус соёлын өв” олон улсын симпозиумд оролцож, нээлтийн хэсэгт илтгэл тавив.

     Илтгэлдээ Монголын нүүдлийн мал аж ахуй, бэлчээрийн соёл, уламжлалт мэдлэг нь тогтвортой хөгжил, биологийн олон янз байдлыг хамгаалах, уур амьсгалын өөрчлөлтөд дасан зохицох чухал ач холбогдолтойг онцлон тэмдэглэв.

     Мөн Монгол Улс 2026 оныг “Бэлчээр ба малчдын олон улсын жил” болгон зарлуулах санаачилгыг дэвшүүлж, НҮБ-ын Хүнс, хөдөө аж ахуйн байгууллагын дэргэдэх Удирдах хороог даргалж байгааг, түүнчлэн 2026 онд НҮБ-ын Цөлжилттэй тэмцэх конвенцын Талуудын 17 дугаар бага хурлыг “CoP-17” эх орондоо зохион байгуулахаар бэлтгэж буй талаар мэдээлэв.