Францын Үндэсний Ассамблей буюу парламентын гишүүд Ерөнхий сайд Мишель Барнье тэргүүтэй Засгийн газарт итгэл үзүүлэх эсэх асуудлаар хуралдан санал хурааж, олонхын саналаар итгэл үзүүлэхгүй байх шийдвэр гаргажээ. Тодруулбал, улсын төсвийг санал хураалтгүйгээр баталсан Засгийн газарт итгэл үзүүлэх эсэх Үндэсний Ассамблейн хуралд оролцсон 331 депутат бүгд итгэл үзүүлэхгүй байх санал өгснөөр тус улсын Засгийн газар огцрохоор болж байгаа аж. Ерөнхийлөгч Эммануэл Макроны мэдэгдсэнээр шинэ Ерөнхий сайдыг томилох хүртэл Мишель Барньегийн танхим үүрэгт ажлаа үргэлжлүүлэн гүйцэтгэх юм байна. Ингэснээр 1962 онд Жорж Помпидугийн Засгийн газар огцорсноос хойших итгэл хүлээгээгүйн улмаас огцорч буй анхны тохиолдол болох бөгөөд Мишель Барнье Засгийн газрыг 90 хоног буюу хамгийн богино хугацаанд тэргүүлсэн Францын анхны Ерөнхий сайд болох юм байна.

Мөн Франц Улсын Ерөнхийлөгч Эммануэл Макроныг тус улсын Үндэсний Ассамблей мөн огцрохыг шаардаж байгаа. Харин төрийн тэргүүний хувьд бүрэн эрхийнхээ хугацааг дуустал буюу 2027 он хүртэл Ерөнхийлөгчөөр ажиллаж мэдэгдсэн. Түүнчлэн тэрбээр өнөө орой иргэдэд хандан үг хэлэх талаар Елисейн ордон мэдээлжээ.