Улс орон даяар цэргийн онц байдал зарлаж, эмх замбараагүй байдал үүсгэсэн үндэслэлээр БНСУ-ын парламент Ерөнхийлөгч Юн Сок Ёолыг огцруулах санал гаргаж, импичментийн хурал зохион байгуулж эхэлсэн. Тэгвэл өнөө өглөө огцрох асуудлаар санал хурааж байх үеэр Өмнөд Солонгосын төрийн тэргүүн эрх баригч Ард түмний хүчин намаасаа гарах хүсэлтээ өгчээ.

     Одоогийн байдлаар Ерөнхийлөгч Юн Сок Ёолыг огцруулах саналд сөрөг хүчний 190 парламентын гишүүн дэмжсэн санал өгөөд байгаа бөгөөд түүнийг огцруулах санал батлагдвал Юн Сок Ёолын бүрэн эрхийг шууд түдгэлзүүлж, тус улсын Ерөнхий сайд Ерөнхийлөгчийн үүргийг түр орлон гүйцэтгэгч болно. Улмаар Үндсэн хуулийн шүүх эцсийн шийдвэрийг гаргаснаар 60 хоногийн дотор дахин сонгууль явуулж, БНСУ-ын Ерөнхийлөгчийг шинээр сонгох аж.

Түүнчлэн БНСУ-ын төрийн тэргүүний 10 зөвлөх цэргийн онц байдал тогтоох талаар мэдээлэлгүй байсан, мэдээгүй гэсэн тайлбар өгч, албан тушаалаасаа чөлөөлөгдөх хүсэлтээ өгөөд байгаа билээ.