Вьетнамын парламентын хуралдаан өнгөрсөн өдөр болж шинэ Ерөнхийлөгчөө томилжээ. Тухайлбал, нэг намын тогтолцоотой тус улсын коммунист намын Ерөнхий нарийн бичгийн дарга агсан Нгуен Фу Чонг өнгөрсөн долдугаар сард нас барсан бөгөөд түүнээс хойш Вьетнамын Ерөнхийлөгчийн суудал эзгүй байсан. Тэгвэл өчигдөр болсон 440 депутат оролцсон парламентын хуралдаанаар Вьетнамын шинэ Ерөнхийлөгчөөр армийн генерал Луонг Куонгийг томилсон байна.

Шинэ Ерөнхийлөгч Луонг Куонгийн хувьд Вьетнамын коммунист намын нарийн бичгийн дарга, намын Улс төрийн товчооны гишүүнээр ажиллаж байсан бөгөөд улсдаа тавд эрэмбэлэгдэх өндөр албан тушаалтай нэгэн аж.