Бүгд Найрамдах Франц Улсын парламентын доод танхим буюу Үндэсний ассамблейн сонгуулийн хоёр шатны санал хураалт болж өндөрлөлөө. Тус парламентын сонгуулиар зүүний үзэлт “Шинэ ардын фронт” эвсэл ялалт байгуулсан байна. Тухайлбал, Үндэсний ассамблейд “Шинэ ардын фронт” эвсэл олонх болж байгаа бөгөөд санал хураалтад Ерөнхийлөгч Эммануэл Макроны тэргүүлдэг “Хамтдаа” эвсэл хоёрт, эхний шатны санал хураалтад тэргүүлээд байсан барууны үзэлт “Үндэсний эвсэл” гуравт жагсжээ.

Харин парламентын сонгуулийн дүнтэй холбоотойгоор Францын Ерөнхий сайд Габриэл Аттал албан тушаалаа хүлээлгэн өгөхөө мэдэгдээд байгаа бол Ерөнхийлөгч Эммануэл Макроны хувьд ямар нэгэн албан ёсны мэдэгдэл хийгээгүй байгаа юм байна.