Бүгд Найрамдах Франц Улсын Ерөнхийлөгч Эммануэл Макроны тэргүүлдэг “Renaissance” нам парламентын сонгуулийн I шатанд ялагдал хүлээснийг олон улсын хэвлэлүүд онцолж байна.

Тухайлбал, өнгөрсөн долоо хоногт Францын парламентын сонгуулийн I шатны дүн гарч, барууны үзлийг баримталдаг сөрөг хүчин “National Rally” нам илт давуу ялалт байгуулжээ. Парламентын сонгуулийн I шатны дүнгээр Францын парламентад сөрөг хүчин “National Rally” нам 310-аас 260 хүртэлх суудал авах төлөвтэй болж байгаа аж. Уг сонгуулийн II шат ирэх долоо хоногт үргэлжлэх бөгөөд энэ удаагийн парламентын сонгуульд Ерөнхийлөгч Э.Макроны нам ялагдал хүлээх магадлал маш өндөр хувьтай болсныг олон улсын судлаач, шинжээчид хэлж байна.