АНУ-ын Ерөнхийлөгчийн сонгуульд ялалт байгуулсан Жо Байден "АНУ-ын аюулгүй байдалд Трампын үйлдэл асар их хохирол учруулсан" хэмээн мэдэгдлээ. Тэрбээр ирэх оны нэгдүгээр сарын 20-нд Ерөнхийлөгчийн албаа албан ёсоор хүлээн авах бөгөөд "Шаардлагатай мэдээллээ авч чадахгүй байна. АНУ-ын Ерөнхийлөгч Дональд Трамп Ерөнхийлөгчийн сонгуулийн дүнг хүлээн зөвшөөрөөгүй төдийгүй тагнуулын чухал мэдээг өгөхийг хориглосон" гэв. Батлан хамгаалахын нарийн бичгийн дарга Кристофер Миллер "Албаныхан шилжилтийн явцыг дээд түвшинд гүйцэтгэж байгаа. Батлан хамгаалахын 400 гаруй ажилтантай нүүр тулж, 5000 хуудас материалыг хүлээлгэн өгсөн нь Байдены багийнхны хүлээлтээс илүү байна" хэмээн мэдээлжээ. Үүний хариуд Жо Байден "Бид батлан хамгаалахын чухал, шууд гарсан шийдвэрүүдийг хүлээж авч чадахгүй байна. Энэ бол хариуцлагагүй үйлдэл. Бидний аюулгүй байдлыг хангах олон агентлаг хохирол амссан. Энэ үйлдэл улсын аюулгүй байдалд чухал ач холбогдолтой" хэмээн мэдээлжээ.