Сүхбаатар аймгийн Эрдэнэцагаан сум дахь Хил хамгаалах ерөнхий газрын харьяа Хилийн цэргийн 0146 дугаар ангийн офицер албан үүргээ гүйцэтгэж байхдаа амиа алдсан тухай бид мэдээлсэн. Тэгвэл албаны эх сурвалжийн өгсөн мэдээллээр өчигдөр буюу наймдугаар сарын 12-ны өдөр Хилийн 0146 дугаар ангийн бэлтгэл заставын дарга, хошууч Э хилийн харуулд үүрэг гүйцэтгэж байхдаа Хадын хөвөө гэх нэртэй дөрвөн метр гүн тогтоол усанд унаж, живж, амиа алдсан байна.

Талийгаачийн усанд осолдсон шалтгаан, нөхцлийг илрүүлэхээр цагдаагийн байгууллагаас шалгалтын ажиллагаа явуулж байгаа юм.