Төв аймгийн Эрдэнэ сумын Чулуут багийн “Хагийн хар нуур” гэдэг газрын чиглэлд (аймгийн төвөөс зүүн хойд зүгт 193 км-т, сумын төвөөс хойд зүгт 110 км-т) Багануур дүүргийн харьяат хоёр хүн самар түүхээр зургадугаар сарын 15-нд гарч, зургадугаар сарын 20-нд нэг хүн нь гэрлүүгээ буцна гэж яваад сураггүй болсон тухай бид өмнө нь мэдээлсэн. Тэгвэл Төв аймгийн Онцгой байдлын газар, сумын Цагдаагийн хэсгийн алба хаагчид, ар гэрийнхэн нь хамтран долдугаар сарын 1-ний өдрийн 06:00 цагаас иргэн 47 настай, эрэгтэй М-ыг эрэн хайх ажиллагааг зохион байгуулжээ. Өчигдрийн байдлаар тус сумын Чулуут багийн “Мойлт” гэдэг газраас “Бэлчир”, “Бэрхийн даваа” хүртэл 45 км-т эрэн хайх ажиллагааг зохион байгуулсан байна.