МоАХ руу чиглэсэн Х.Баттулгын сум улс төрд орох боломж уу

Б. Бадралмаа:
Улс төр- Анхаарлын төвд

2021-07-06, 1120

Амь тавьж буй Ардчилсан намыг аврах уу, "алах уу" гэдэг сонголт ирж, тэдний хувь заяа дээсэн дөрөөн дээр дэнжигнэж буй. Ардчилсан намын хуучин лидерүүд нэгэнт нэр хүндгүй болж, тэдний үгийг тоох хүн ховордсон нь олон жишээгээр нотлогдож байгаа. Харин залуу үеийнхэнд нь “Манлайлал болоод намынхаа бодлогыг зангидах, сүйхээтэй мэдрэмжтэй хүн ховор байна” хэмээн олон нийтээс багагүй зэмлэл хүртээд байна.

Анх өөр өөрийн үзэл баримтлал бүхий намууд нэгдэж, Ардчилсан намыг байгуулж, барууны төвт үзэлтэй сурталтай нэг нам болсон бол саяхнаас фракцын зодооноо дийлэхээ больж, хэдэн тийш харчихсан, намын гишүүд нь ч учраа олохгүй будлиж явна.

Одоо харин Ардчилсан намыг Ерөнхийлөгч асан Х.Баттулга дахин нэгтгэж, босгох уу гэх хүлээлт нэгэнт үүсжээ. Ерөнхийлөгчийн суудлаас буухдаа Ардчилсан намын анхны шанг татсан МоАХ-д Улсын баатар цол тэмдэг олгоод төрийн тэргүүнээс буусан нь олны анхаарал татсан хэвээр байна. Учир нь түүний ил үйлдэл улс төрд дахин шинээр хөл тавих сум байж мэднэ гэсэн таамаг улс төрийн хүрээнийхэн дунд яваад эхэлжээ. Угтаа бол Ерөнхийлөгч асан Х.Баттулга улс төрийн сүүлчийн сумаа МоАХ руу чиглүүлж, олон фракцаас сугарч үлдсэн хэсэг бүлэг хүмүүсээ нэгтгэх урт холын бодол тээж явсан бололтой. Төрийн бус байгууллага гэж явсан МоАХ-ыг бүрэн эрхийнхээ хугацаанд Улсын баатар гэх төрийн дээд шагналаар шагнасан учир хүссэн хүсээгүй олны дунд нэр хүндтэй болсон гэсэн үг.

Угтаа бол Ерөнхийлөгч асан Х.Баттулгын цаад санаа дараагийн улс төрөө эхлүүлэх замаа засчихаад суудлаа өгснөөс ялгаагүй байв. харин чухам хэрхэн, хэзээ яаж эхлүүлэх вэ гэдэг нь анхаарал татсан хэвээр байна. Ерөнхийлөгчийн суудлаас буухдаа рейтинг өндөртэй, олны хүлээлтэд хүр ажилласан гэж үнэлэгдсэн түүний тухайд улс төрд дахин орж ирэх бүрэн боломж бий. Харин намынхаа нэр хүндийг сэргээж, намаа нэгтгэхэд багагүй хөдөлмөр шаардах биз.

Хэзээнээс Х.Баттулгаас намаа харамлаж, ана мана үздэг Ерөнхийлөгч асан Ц.Элбэгдорж тэргүүтэй эрхмүүд тийм ч хялбархан зайгаа тавиад өгөхгүй нь ойлгомжтой. Иймдээ ч тэд С.Эрдэнээр бамбай хийж, араас удирдаж байгаа гэх хардлага ч бий.

Хэдий Ерөнхийлөгчөөр ажиллаж байх хугацаандаа Х.Баттулга намын харьяаллаасаа татгалзсан ч тэрбээр өөрийнхөө чадах хэмжээнд хүртэл хоёр парламент дамнан Бүлгийн гишүүдээ дэмжиж, сөрөг хүчний үүрэг гүйцэтгэхэд нь нэмэр болж байсан. Парламентад цөөхүүлээ болж, Ерөнхийлөгчийн дэмжлэгийг авч чадахгүйдээ тулсан Ардчилсан намынхныг аравдугаар сард болох нөхөн сонгуулиас өмнө учрыг нь олох байх гэсэн хүлээлттэй байна.

УИХ-д амьгүй шахам болсон Ардчилсан намын бүлгийн гишүүд өчигдрөөс нэлээд зориг орчихсон тулга тойрсон хэрүүлээсээ өөр зүйлд анхаарал хандуулж байгаа илэрхийлсэн. Тэд Засгийн газрыг огцрох шаардлага тавьж, УИХ-ын гишүүн Б.Пүрэвдорж тэргүүтэй гишүүд С.Эрдэнийг намаасаа явахыг шаардаад буй. Эндээс харахад Ардчилсан намынханд хүч өгч арай өөр бодлогоор чиглүүлэх нэгэн гарч ирсэн байхыг үгүйсгэхгүй юм. Магадгүй энэ нь Ерөнхийлөгч асан Х.Баттулга ч байж болох талтай.

МоАХ руу чиглэсэн Х.Баттулгын сум улс төрд орох боломж уу

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 4

Сэтгэгдэл үлдээсэн: 2021-07-06 14:05:50

zochin: Battulgad amjilt hysie.Ter l Hyrelsyhtei en tentsyy ty.bshind yls tor hiij chadna.Ter holiin haraagaaraa Hyrelsyhees ch hol iluu,ilyy,ilyy.Olon tymen yagaad ch yam tyyniig egel,borgil, eh oron ch,eldeb mayag,hooson yls topjdoggyi, ynen yamnii hoinoos tyyshtai hootsolddog.gej iheer yneldeg yam bilee.Alban tyshaalaas byyj yabahdaa ch shine Eronhiilogchoos ondor retingtei baisan todiigyi, esregeerei Hyrelsyhiinh yryydah handlgdtai baihad ,Battulgiinh ylam l ossoor baigaa ni negiig helj byi ni todorhoi. Ardchilaliinhan Battulgaa toiron negdbel tun amarhan bosch ireheer baina daa.Tegeh abaas YIH -n hohon songyylid 2 ch syydal nemj medeh l yam.
Сэтгэгдэл үлдээсэн: 2021-07-06 14:05:49

zochin: Battulgad amjilt hysie.Ter l Hyrelsyhtei en tentsyy ty.bshind yls tor hiij chadna.Ter holiin haraagaaraa Hyrelsyhees ch hol iluu,ilyy,ilyy.Olon tymen yagaad ch yam tyyniig egel,borgil, eh oron ch,eldeb mayag,hooson yls topjdoggyi, ynen yamnii hoinoos tyyshtai hootsolddog.gej iheer yneldeg yam bilee.Alban tyshaalaas byyj yabahdaa ch shine Eronhiilogchoos ondor retingtei baisan todiigyi, esregeerei Hyrelsyhiinh yryydah handlgdtai baihad ,Battulgiinh ylam l ossoor baigaa ni negiig helj byi ni todorhoi. Ardchilaliinhan Battulgaa toiron negdbel tun amarhan bosch ireheer baina daa.Tegeh abaas YIH -n hohon songyylid 2 ch syydal nemj medeh l yam.
Сэтгэгдэл үлдээсэн: 2021-07-06 14:00:36

zochin : battulga gedeg hun yu hsen be tug barsan ymarch une tnenegui shagnal garduulj thag nuhthuusun hun de
Сэтгэгдэл үлдээсэн: 2021-07-06 13:54:31

зочин: аАН ч хэцүүхэн л хүмүүс дээ төрөөс илүү хувиа бодогч нар даа

Шинэ мэдээ

Нийтлэлчид