Монгол Улсын Ерөнхий сайд Л.Оюун-Эрдэнэ өнөөдөр УОК-ын Шуурхай штабд ажилласан.

        Энэ үеэр тэрбээр хатуу хөл хорио тогтоохгүй, шаардлагатай бол хэсэгчилсэн хөл хорио тогтооно гэдгийг хэллээ. Тодруулбал, Ерөнхий сайд Л.Оюун-Эрдэнэ “Ирэх намраас  вакцинжуулалтын үр дүн гарна гэж эрдэмтэд үзэж байгаа. Хатуу хөл хориог үргэлжлүүлэх нь эдийн засагт асар их хохиролтой. Иймд хатуу  хөл хорио тогтоохгүйгээр шаардлагатай бол хэсэгчилсэн хөл хорио тогтооно. Засгийн газраас дөрөв, тавдугаар сард вакцинжуулалтыг эрчимжүүлсний хүрээнд өнөөдрийн байдлаар улсын хэмжээнд вакцины нэгдүгээр тунд 90 гаруй хувь нь хамрагдсан байна. Орон нутагт дархлаажуулалтаар Өмнөговь, Дорноговь, Сүхбаатар аймаг тэргүүлж байна. Увс, Дундговь, Өвөрхангай аймагт үр дү муутай байна. Ийм учраас өнөөдөр 15:00 цагаас бүх аймгийн дарга нартай цахим хурал хийнэ. Нийслэлд дархлаажуулалт ийм өндөр үр дүн хүрчихээд байхад аймгууд хойрго хандаж байгаад хариуцлага тооцож ажиллах шаардлага үүснэ” гэв.