Засгийн газраас гарсан шийдвэрийг танилцуулж байна. Хурлын эхэнд УОК-ын дарга, Шадар сайд С.Амарсайхан Монгол Улсад шинэ төрлийн мутацид орсон коронавирус илэрсэн гэдгийг мэдээллээ.

Энэ үеэр Эрүүл мэндийн сайд С.Энхболд “Хөл хориотой үед халдварын тархалтын эрчим буурах ёстой. Сүүлчийн нэг сарын хугацаанд халдвар авсан хүмүүсийн биеийн байдал маш хүнд болж байна. Үүний хэрээр нас баралт нэмэгдэж байгаа нь хөл хориог сунгах үндэслэл болж байгаа. Мөн нас баралт идэр насныханд тохиолдож байна. Хөл хорио тогтоож, халдварын тархалтыг бууруулж байж дархлаажуулалт үр дүнтэй болно. Ийм учраас хатуу хөл хориог сунгах санал оруулсан” гэлээ.